1-3. (a) Lɛɣzɩtʋ ndʋ pɩpɩzɩɣ nɛ pɩwɛɛ-ɖʋ kaɖɛ se ɖɩla ɖa-lɩm mɩyɩsʋʋ wayɩ? (b) Ye pɩwɛ-ɖʋ kaɖɛ se ɖɩla lɛɣzɩtʋ lɛɛ lɛɛ kɔyɔ, tɔm ndʋ ɖɩpɩzɩɣ nɛ ɖɩpɔzɩ ɖa-tɩ? (Cɔnɩ kiɖe tɛɛ kɩlɛmɩŋ.)

KEVIN ^[1] tɔwaɣ liidiye caca, ɛñɔʋ sɩgaa nɛ tabakʋʋyaɣ nɛ ɛkpaŋɩɣ sʋlʋm pɩnzɩ sakɩyɛ. Pʋwayɩ lɛ, ɛkpɛlɩkɩ nɛ ɛtɩlɩ Yehowa nɛ ɛɖʋ ɛ-taa se ɛpɩsɩɣ ɛ-taabalʋ. Ɛlɛ, pʋcɔ nɛ ɛtalɩ kaɖʋwa ŋga lɛ, pɩɩwɛɛ se ɛla lɛɣzɩtʋ sɔsɔtʋ e-wezuu caɣʋ taa. Ɛpɩzaa nɛ ɛla lɛɣzɩtʋ ndʋ, mbʋ pʋyɔɔ yɔ ɛta Yehowa liu nɛ eyele ɖɔɖɔ se Bibl ɛlɛɣzɩ e-wezuu caɣʋ.​—Ebree 4:12.

² Pamɩyɩsɩ Kevin lɩm nɛ pɩtɛ lɛ, eyebi labʋ lɛɣzɩtʋ e-wezuu caɣʋ taa? Aayɩ, mbʋ pʋyɔɔ yɔ pɩwɛɛ se ɛtasɩ labʋ lɛɣzɩtʋ natʋyʋ e-wezuu caɣʋ taa nɛ ɛwɛɛnɩ wɛtʋ kɩbandʋ nɛ pɩkɩlɩ. (Efɛɛzɩ 4:31, 32) Ɛmʋwaɣ pana lɛɛ lɛɛ, nɛ pɩɩwɛ-ɩ kaɖɛ se eyele wɛtʋ ndʋ. Kevin yɔɔdaa se: “Pɩtaawɛ-m kaɖɛ se meyele ma-lakasɩ kɩdɛkɛdɩsɩ lɛɛsɩ,  ɛlɛ pɩɩwɛ-m kaɖɛ se meyele pana kɔʋ lɛɛ lɛɛ.” Ɛlɛ, Kevin tɩmnɩ Yehowa nɛ ɛkpɛlɩkɩɣ Bibl ɖoŋ ɖoŋ, nɛ pɩsɩnɩ-ɩ nɛ ɛlɛɣzɩ.

³ Ɛzɩ Kevin yɔ, pʋcɔ nɛ pamɩyɩsɩ ɖa-taa sakɩyɛ lɩm lɛ, pɩɩpɔzaa se pala lɛɣzɩtʋ sɔsɔtʋ nɛ pe-wezuu caɣʋ la nɔɔ kʋɖʋmaɣ nɛ Bibl paɣtʋ. Pamɩyɩsɩ-wɛ lɩm nɛ pɩtɛ lɛ, pana se pɩwɛɛ se powolo pɩ-yɔɔ nɛ palakɩ lɛɣzɩtʋ nɛ papɩzɩ pamaɣzɩnɩ Ɛsɔ nɛ Krɩstʋ nɛ pɩkɩlɩ. (Efɛɛzɩ 5:1, 2; 1 Pɩyɛɛrɩ 2:21) Pʋtɔma yɔ, ɖiɖiɣzinaa se ɖɩsɔɔlɩ ɛyaa lalaa tɔm kʋʋ, yaa ɖiseɣ ɛyaa sɔɔndʋ, yaa ɖɩyɔɔdʋʋ tɔm kɩdɛkɛdɩtʋ lalaa yɔɔ, yaa ɖɩwɛnɩ ɛjandʋ lɛɛtʋ. Pɩwɛ-ɖʋ kaɖɛ se ɖɩla lɛɣzɩtʋ hɔɔlɩŋ ɛnɩ ɩ-taa? Ye ɛɛɛ kɔyɔ, ŋpɩzɩɣ nɛ ŋpɔzɩ ña-tɩ se: ‘Manpɩzaa nɛ mala lɛɣzɩtʋ sɔsɔtʋ lɛ, ɛbɛ yɔɔ pɩwɛ-m kaɖɛ kpem se mala lɛɣzɩtʋ cikpetu yɔ? Ɛbɛ pɩwɛɛ se mala nɛ Bibl sɩnɩ-m nɛ mɛlɛɣzɩ me-wezuu caɣʋ nɛ pɩkɩlɩ?

4. Ɛbɛ yɔɔ ɖɩɩpɩzɩɣ se ɖɩla mbʋ pɩkɛdɩɣnɩ Yehowa yɔ pɩtɩŋa pɩ-taa?

⁴ Ðɩsɔɔlɩ Yehowa nɛ ɖɩñɩnɩɣ se ɖɩla mbʋ pɩkɛdɩɣnɩ-ɩ yɔ nɛ ɖa-laŋɩyɛ pilim. Ɛlɛ pɩlabɩ pʋtɔdɩyɛ se ɛzɩma ɖɩtɩtalɩ pilim yɔ pʋyɔɔ lɛ, ɖɩɩpɩzɩɣ nɛ ɖɩlakɩ mbʋ pɩkɛdɩɣnɩ-ɩ yɔ alɩwaatʋ tɩŋa. Ða-lɩmaɣza lakɩ nɔɔ kʋɖʋmaɣ nɛ apostoloo Pɔɔlɩ ñɩna. Ɛyɔɔdaa se: “Mɔnsɔɔlɩ kɩbandʋ, ɛlɛ maapɩzɩɣ tɩ-labʋ.”—Roma 7:18; Yakubu 3:2.

5. (a) Lɛɣzɩtʋ ndʋ ɖɩlaba pʋcɔ nɛ pamɩyɩsɩ-ɖʋ lɩm? (b) Ɛlɛ ɛjandʋ ndʋ ɖɩpɩzɩɣ nɛ ɖɩwɛɛ lʋbɩnʋʋ yɔɔ?

⁵ Pʋcɔ nɛ ɖɩpɩsɩ Krɩstʋ mba lɛ, ɖiyebi labʋ lakasɩ kɩdɛkɛdɩsɩ nzɩ sɩɩkɛdɩɣnɩ Yehowa yɔ. (1 Kɔrɛntɩ 6:9, 10) Paa mbʋ yɔ, ɖɩkpɛndɩ ɖɩtɩtalɩ pilim. (Koloosi 3:9, 10) Ye mbʋ, pɩtɩpɔzɩ se ɖɩmaɣzɩ se pamɩyɩsɩɣ-ɖʋ lɩm nɛ pɩtɛ lɛ, ɖɩɩtasɩɣ wɛnʋʋ lɩmaɣza kɩdɛkɛda yaa pɩɩtasɩɣ-ɖʋ yiɣduu yaa ɖɩɩtasɩɣ wɛnʋʋ ɛjandʋ lɛɛtʋ. Halɩ ɖɩpɩzɩɣ nɛ ɖɩwɛɛnɩ ɛjandʋ natʋyʋ nɛ pɩpɔzɩ se ɖɩlʋbɩnɩ-tʋ pɩnzɩ sakɩyɛ.

6, 7. (a) Paa ɖɩtɩtalɩ pilim yɔ, ɛbɛ yeki se taabalɩyɛ ɛwɛɛ ɖa nɛ Yehowa ɖɛ-hɛkʋ taa? (b) Ɛbɛ yɔɔ pɩtɩmʋna se sɔɔndʋ ɛkpa-ɖʋ se ɖɩpɔzɩ Yehowa se ekpeɣ-ɖʋ ɖa-kɩwɛɛkɩm?

⁶ Paa ɖɩtɩtalɩ pilim kɔyɔ, ɖɩpɩzɩɣ nɛ ɖɩkɛ Ɛsɔ taabalaa nɛ ɖiwolo pɩ-yɔɔ nɛ ɖɩsɛɛ-ɩ. Ðɩtɔzɩ se alɩwaatʋ ndʋ Yehowa ya-ɖʋ se ɖɩkɛ ɛ-taabalaa yɔ, ɛɛnawa se pɩpɩzɩɣ nɛ piyiɣdi-ɖʋ nabʋyʋ taa. (Yohanɛɛsɩ 6:44) Ɛsɔ sɩm ɖɛ-wɛtʋ nɛ mbʋ pɩwɛ ɖa-laŋɩyɛ taa yɔ, pʋyɔɔ lɛ ɛsɩm ɛjandʋ ndʋ ɖɩlʋkɩna yɔ. Nɛ ɛnawa se nabʋyʋ taa ɖɩpɩzɩɣ nɛ ɖɩla mbʋ pɩɩkɛdɩɣnɩ-ɩ yɔ. Paa mbʋ yɔ, Yehowa sɔɔlaa se ɖɩkɛ ɛ-taabalaa.

⁷ Ɛsɔ sɔɔlɩ-ɖʋ, pʋyɔɔ ɛlabɩ-ɖʋ kʋjɔʋ sɔsɔʋ nakʋyʋ. Etiyi ɛ-pɩyalʋ nɛ ɛkɔɔ ɛsɩ sɩm ɖɔ-yɔɔ. (Yohanɛɛsɩ 3:16) Ye ɖɩlabɩ kɩwɛɛkɩm nabʋyʋ nɛ ɖikpiɖi-pʋ yɔ, ɖɩpɩzɩɣ nɛ ɖɩwɛɛnɩ lidaʋ se Yehowa tɩŋɩɣnɩ Yesu kɩlaʋ yɔɔ nɛ ekpeɣ-ɖʋ se ɖa nɛ ɩ ɖa-taabalɩyɛ ɛtaacɛ. (Roma 7:24, 25; 1 Yohanɛɛsɩ 2:1, 2) Pɩwɛɛ se ɖɩtɔzɩ se kɩwɛɛkɩm laɖaa yɔɔ Yesu sɩba. Ye mbʋ, pɩtɩmʋna se ɖɩmaɣzɩ se ɛzɩma ɖɩlakɩ kɩwɛɛkɩm yɔ pʋyɔɔ lɛ, kɩhɛyʋʋ pʋ-ñʋʋ taa kɩlaʋ ɛɛpɩzɩɣ nɛ kɩwazɩ-ɖʋ. Ye ɖɩwɛnɩ lɩmaɣza ana yɔ, pɩwɛ ɛzɩ ɖe-nesi yɔɔ piyaa, ɛlɛ ɖikizi se ɖɩɩsaŋɩɣ. Ðɩwɛnɩ ɛsɩmɩyɛ se paa ɖɩtɩtalɩ pilim yɔ, kɩhɛyʋʋ pʋ-ñʋʋ taa kɩlaʋ yeki se taabalɩyɛ ɛwɛɛ ɖa nɛ  Yehowa ɖɛ-hɛkʋ taa.​—Kalɩ 1 Timootee 1:15.

8. Ɛbɛ yɔɔ pɩtɩmʋna se ɖihuuzi ɛza ɖɛ-ɛjandʋ yɔɔ?

⁸ Toovenim taa lɛ, pɩtɩmʋna se ɖihuuzi ɛza ɖɛ-ɛjandʋ yɔɔ. Pɩsa nɛ taabalɩyɛ kɩbanɖɛ wɛɛ ɖa nɛ Yehowa ɖɛ-hɛkʋ taa lɛ, pɩwɛɛ se ɖɩñaɣ pana nɛ ɖɩmaɣzɩnɩ Yehowa nɛ Yesu nɛ pɩkɩlɩ, nɛ ɖɩwɛɛnɩ wɛtʋ kɩbandʋ ndʋ pɔsɔɔlaa yɔ. (Keɣa 14:1-5) Pʋpɔzʋʋ ɖɔɖɔ se ɖɩñaɣ pana nɛ ɖɩlʋbɩnɩ ɖɛ-ɛjandʋ nɛ halɩ ye pɩsaŋ kɔyɔ, ɖɩlɔ-tʋ. Pamɩyɩsʋʋ-ɖʋ lɩm yɔ, ye pileɖaa yaa pitileɖi yɔ, pɩwɛɛ se ɖɩwɛɛ lʋbʋ yɔɔ nɛ ‘ɖiɖe siŋŋ.’​—2 Kɔrɛntɩ 13:11.

9. Ɛbɛ yeba nɛ ɖɩna se ɛyʋ kɩfalʋ kɛʋ pɔzʋʋ pana ñaɣʋ tam?

⁹ Pɔɔlɩ tɔzɩ Krɩstʋ mba se: “Ɩhɔzɩ ɖooo mɩ-wɛtʋ kɩbɩndʋ nɛ tɩ-lakasɩ nɛ ɩlɔ nɛ ɩlɛɣzɩ kɩfatʋ. Ndʋ wɛɣnɩ lɛɣzʋʋ yɔɔ mbʋ nɛ ɩkɔɔ ɩtɛzɩ tɩlʋʋ pɩtɩŋa payɩ. Mbʋ weyi ɛma-mɩ yɔ ɛwɛɛ.” (Koloosi 3:9, 10; ABT) Tɔm loyaɣ “ndʋ wɛɣnɩ lɛɣzʋʋ yɔɔ” wɩlɩɣ se pɩsa nɛ ɖɩwɛɛnɩ wɛtʋ kɩfatʋ lɛ, pɩwɛɛ se ɖɩwɛɛ pana ñaɣʋ yɔɔ. Tɔm ndʋ tɩkpazɩɣ-ɖʋ ɖoŋ mbʋ pʋyɔɔ yɔ, tɩhaɣ-ɖʋ lidaʋ se ɖɩwɛʋ nɛ ɖɩsɛɣ Yehowa yɔ paa pɩlabɩ pɩnzɩ sakɩyɛ yɔ, ɖɩpɩzɩɣ nɛ ɖiwolo pɩ-yɔɔ nɛ ɖɩñaɣ pana nɛ ɖɩwɛɛnɩ ɛyʋ kɩfalʋ wɛtʋ. Nɛ Bibl pɩzɩɣ kɩsɩnɩ-ɖʋ nɛ ɖiwolo pɩ-yɔɔ nɛ ɖɩlɛɣzɩɣ ɖe-wezuu caɣʋ.

10. (a) Pʋcɔ nɛ Bibl sɩnɩ-ɖʋ nɛ ɖɩwɛɛ ɖɩlɛɣzɩɣ ɖe-wezuu caɣʋ lɛ, ɛbɛ pʋpɔzʋʋ se ɖɩla? (b) Nɛ tɔm ndʋ ɖɩpɩzɩɣ nɛ ɖɩpɔzɩ ɖa-tɩ?

¹⁰ Ye ɖɩsɔɔlaa se Bibl ɛsɩnɩ-ɖʋ nɛ ɖɩlɛɣzɩɣ ɖe-wezuu caɣʋ yɔ, pɩwɛɛ se ɖɩñaɣ pana siŋŋ. Ɛlɛ ɛbɛ yɔɔ pɩcɛyaa se ɖɩñaɣ pana mbʋ? Ɛbɛ yɔɔ Yehowa tiyele se ɖɩlʋbɩnɩ ɖɛ-ɛjandʋ kɛlɛʋ yem?

11-13. Ɛbɛ yɔɔ Ɛsɔ ñɩnɩɣ se ɖɩñaɣ pana nɛ ɖɩlʋbɩnɩ ɖɛ-ɛjandʋ?

¹¹ Ye ɖɩmaɣzɩɣ mbʋ Yehowa lɩzɩ kedeŋa yɔɔ yɔ pɩ-yɔɔ kɔyɔ, ɖɩnaɣ se ɛwɛnɩ ɖoŋ pɩdɩɩfɛyɩ. Ɛlɩzɩ wɩsɩ nɛ sɩwɛɛ ɖoŋ siŋŋ. Si-ɖoŋ pazɩ yem talɩɣnɩ tɛtʋ yɔɔ, ɛlɛ piyeki se mbʋ pɩwɛ tɛtʋ yɔɔ yɔ pɩwɛɛ wezuu. (Keɣa 73:16; Izaayii 40:26) Pɩtasɩ lɛ, pɩkɛdɩɣnɩ Yehowa se ɛha ɛ-sɛyaa mba pɛwɛ tɛtʋ yɔɔ yɔ ɖoŋ weyi pʋpɔzʋʋ yɔ alɩwaatʋ kɩbandʋ yɔɔ. (Izaayii 40:29) Halɩ Yehowa pɩzɩɣ ɛha-ɖʋ ɖoŋ nɛ ɖɩwa ɖɛ-ɛjandʋ kɛlɛʋ yem nɛ ɖiyele sɔɔlʋʋ mbʋ pɩfɛyɩ ɖeu yɔ. Ɛlɛ ɛbɛ yɔɔ ɛɛlakɩ mbʋ?

¹² Yehowa ha-ɖʋ tɩ-yɔɔ wɛʋ lɩzʋʋ waɖɛ. Ye ɖɩlɩzaa se ɖɩlakɩ Yehowa sɔɔlɩm nɛ ɖɩñakɩ pana se ɖɩla mbʋ yɔ, ɖɩwɩlɩɣ se ɖɩsɔɔlɩ-ɩ siŋŋ nɛ ɖɩñɩnɩɣ se ɖɩla mbʋ pɩkɛdɩɣnɩ-ɩ yɔ. Nɛ pɩwɩlɩɣ ɖɔɖɔ se ɖɩsɔɔlaa se ɖɩtɩnɩ e-kewiyitu tɔɔʋ yɔɔ. Sataŋ kaɖɩnɩ Yehowa kewiyitu kɩkɩlɩtʋ tɔɔʋ. Ye mbʋ, ye ɖɩlɩzɩ faaa se ɖɩtɩnɩɣ e-kewiyitu kɩkɩlɩtʋ tɔɔʋ yɔɔ nɛ ɖɩñakɩ pana se ɖɩla mbʋ yɔ, pɩtʋʋ fɛyɩ se ɛ-taa lakɩ leleŋ siŋŋ. (Yɔb 2:3-5; Aduwa 27:11) Ɛlɛ ye Yehowa eyeba se ɖɩlʋbɩnɩ ɖɛ-ɛjandʋ kɛlɛʋ yem yɔ, ɖɩɩpɩzɩɣ nɛ ɖɩwɩlɩ se ɖɩsɔɔlɩ-ɩ nɛ ɖɩtɩnɩɣ e-kewiyitu tɔɔʋ yɔɔ.

¹³ Yehowa ñɩnɩɣ se ɖɩñaɣ pana nɛ ɖɩmaɣzɩnɩ ɛ-wɛtʋ kɩbandʋ. (Kalɩ 2 Pɩyɛɛrɩ 1:5-7; Koloosi 3:12) Ɛñɩnɩɣ se ɖɩlʋ nɛ ɖɩwɛɛnɩ lɩmaɣza kɩbana. (Roma 8:5; 12:9) Ye ɖɩñakɩ pana siŋŋ nɛ ɖɩlakɩ mbʋ yɔ, alɩwaatʋ ndʋ ɖɩnaɣ  se Bibl wɛɛ nɛ kɩlɛɣzɩɣ ɖe-wezuu caɣʋ yɔ, ɖa-taa lakɩ leleŋ.

14, 15. Ɛbɛ ɖɩpɩzɩɣ ɖɩla nɛ ɖɩwɛɛnɩ wɛtʋ kɩbandʋ ndʋ tɩkɛdɩɣnɩ Yehowa yɔ? ( Cɔnɩ aɖakaɣ “Bibl nɛ adɩma lɛɣzɩ pe-wezuu caɣʋ.”)

¹⁴ Ɛbɛ pɩwɛɛ se ɖɩla nɛ ɖɩwɛɛnɩ wɛtʋ kɩbandʋ ndʋ tɩkɛdɩɣnɩ Yehowa yɔ? Ðɩtaalɩzɩ ɖa-maɣmaɣ mbʋ ɖɩmaɣzɩɣ se pɩwɛɛ se ɖɩlɛɣzɩ yɔ, ɛlɛ ɖiyele nɛ Yehowa ɖiyi-ɖʋ. Roma 12:2 tɔŋ se: “Ɩtaakpaɣ ɛjaɖɛ yɔɔ cɩnɛ lakasɩ, ɛlɛ ɩpɩsɩ mɩ-maɣzɩm kɩfam, nɛ ɩtɩlɩ mbʋ pɩwɛ camɩyɛ nɛ piɖe Ɛsɔ ɛzɩdaa pɩdɩɩfɛyɩ yɔ.” Yehowa tɩŋɩɣnɩ Bibl nɛ fezuu kiɖeɖeu yɔɔ nɛ ɛsɩɣnɩ-ɖʋ se ɖɩtɩlɩ mbʋ ɛsɔɔlaa yɔ, nɛ ɖɩla ɖo-ɖoŋ ɖeɖe nɛ ɖɩlɛɣzɩ ɖe-wezuu caɣʋ nɛ pɩla nɔɔ kʋɖʋmaɣ nɛ ɛ-paɣtʋ. Pɩsa nɛ ɖɩla mbʋ lɛ, pɩwɛɛ se ɖɩkalɩɣ Bibl paa ɖooye, ɖɩmaɣzɩɣ mbʋ ɖɩkalɩɣ yɔ pɩ-yɔɔ nɛ ɖɩtɩmɩɣnɩ Yehowa se ɛha-ɖʋ fezuu kiɖeɖeu. (Luka 11:13; Galaatɩ 5:22, 23) Ye ɖiyeki se fezuu kiɖeɖeu eɖiyi-ɖʋ nɛ ye ɖɩɖɔŋ Yehowa paɣtʋ yɔɔ kɔyɔ, ɖa-lɩmaɣza, ɖɔ-yɔɔdaɣ nɛ ɖa-lakasɩ kaɣ labʋ nɔɔ kʋɖʋmaɣ nɛ Yehowa sɔɔlɩm nɛ pɩkɩlɩ. Paa mbʋ yɔ, pɩkaɣ pɔzʋʋ se ɖɩwɛɛ nɛ ɖɩlʋkɩnɩ ɖɛ-ɛjandʋ.​—Aduwa 4:23.

¹⁵ Pɩtasɩnɩ Bibl kalʋʋ lɛ, pɩwɛɛ se ɖɩkpɛlɩkɩ ɛgbɛyɛ takayɩsɩ nɛ pɩsɩnɩ-ɖʋ nɛ ɖɩnɩɩ Bibl taa nɛ ɖɩpɩzɩ ɖɩmaɣzɩnɩ Yehowa wɛtʋ kɩbandʋ. Nabɛyɛ nawa se Feŋuu Tilimiye nɛ Réveillez-vous! taa tɔm ñʋŋ nɩɩyɩ sɩɣnɩ-wɛ se pɛwɛɛnɩ Krɩstʋ mba wɛtʋ kɩbandʋ nɛ pawa pɛ-ɛjandʋ natʋyʋ; pʋyɔɔ pakpaɣ lɩmaɣza se pekpeɣliɣ takayɩsɩ nzɩ nɛ patazɩɣ ñʋŋ ɛnɩ ɩ-taa wiɖii wiɖii.

16. Ye ɖɩɩpɩzɩɣ nɛ ɖɩlakɩ lɛɣzɩtʋ lɛɛ lɛɛ yɔ, ɛbɛ yɔɔ pɩtɩpɔzɩ se pitibi-ɖʋ yɔɔɔ?

¹⁶ Pʋcɔ nɛ ŋpɩzɩ ŋwɛɛnɩ fezuu taa wɛtʋ kɩbandʋ lɛ, pɩpɔzʋʋ pana ñaɣʋ nɛ pɩkpakɩɣ alɩwaatʋ ɖɔɖɔ. Pʋyɔɔ lɛ, ye pɩlakɩ-ɖʋ ɛzɩ ɖiiwokini ɛzɩdaa lɛɛ lɛɛ fezuu taa yɔ, pɩwɛɛ se ɖɩwɛɛ suuɖu. Pɩwɛɛ se ɖɩñaɣ pana nɛ ɖɩɖɔ Bibl paɣtʋ yɔɔ. Ye ɖɩlakɩ mbʋ yɔ, pɩwɛɣ-ɖʋ kɛlɛʋ se ɖɩmaɣzɩnɩ Yehowa nɛ piyeki nɛ pazɩ pazɩ lɛ, ɖa-maɣzɩm nɛ ɖa-lakasɩ pala nɔɔ kʋɖʋmaɣ nɛ Yehowa sɔɔlɩm.​—Keɣa 36:31; Aduwa 23:12; Galaatɩ 5:16, 17.

17. Ye ɖɩwɛ siɣsiɣ Yehowa ɛzɩdaa yɔ, cee wayɩ kɩbaŋʋ ŋgʋ ɖɩpɩzɩɣ nɛ ɖɩɖaŋ?

¹⁷ Yehowa sɛyaa siɣsiɣ tɩnaa kaɣ  wɛnʋʋ waɖɛ se pɛsɛɛ Yehowa tam alɩwaatʋ ndʋ patalɩɣ pilim yɔ. Alɩwaatʋ ndʋ tɩ-taa lɛ, ɖɩɩkaɣ tasʋʋ lʋbɩnʋʋ ɛjandʋ natʋyʋ nɛ pɩkaɣ-ɖʋ wɛʋ kɛlɛʋ se ɖɩmaɣzɩnɩ Yehowa. Pʋcɔ nɛ alɩwaatʋ ndʋ tɩtalɩ lɛ, ɖɩwɛnɩ ɛsɩmɩyɛ se sɔnɔ ɖɩpɩzɩɣ ɖɩtɩŋnɩ kɩhɛyʋʋ pʋ-ñʋʋ taa kɩlaʋ yɔɔ nɛ ɖɩsɛɛ Yehowa. Paa ɖɩtɩtalɩ pilim yɔ, ɖɔ-tɔm pɩzɩɣ nɛ pɩkɛdɩnɩ Ɛsɔ ye ɖɩñakɩ pana se ɖɩlɛɣzɩ ɖe-wezuu caɣʋ nɛ ɖɩɖɔ ɛ-paɣtʋ yɔɔ yɔ.

18, 19. Ɛbɛ haɣ-ɖʋ lidaʋ se Bibl wɛnɩ ɖoŋ se kɩsɩnɩ-ɖʋ nɛ ɖɩlɛɣzɩ ɖe-wezuu caɣʋ?

¹⁸ Kevin weyi ɖɩɩyɔɔdɩ ɛ-tɔm kiɖe tɛɛ yɔ, ɛñaɣ pana siŋŋ nɛ eyele pana kɔʋ lɛɛ lɛɛ. Ɛmaɣzɩ Bibl paɣtʋ kila yɔɔ nɛ ɛkpaɣ-yɛ nɛ ɛlabɩnɩ tʋmɩyɛ, nɛ etisi ɖɔɖɔ nɛ koobiya lalaa sɩnɩ-ɩ. Paa pɩɩkpaɣ pɩnzɩ cabɩ yɔ, Kevin pɩzaa nɛ ewobini ɛzɩdaa fezuu taa. Ɛkɔm nɛ ɛpɩsɩ ɛgbɛyɛ taa tʋmlaɖʋ, nɛ pɩlakɩ pɩnzɩ 20 yɔ ɛpɩsʋʋ ɛgbɛyɛ taa ɛzʋtʋyʋ yɔ. Paa ɛɛñaɣ pana nɛ ewobini ɛzɩdaa mbʋ yɔ, ɛnawa se pʋpɔzʋʋ se ewolo pɩ-yɔɔ nɛ ɛlʋkɩnɩ ɛ-ɛjandʋ.

¹⁹ Kevin kɩɖaʋ wɩlɩɣ se Bibl sɩɣnɩ Ɛsɔ sɛyaa se palakɩ lɛɣzɩtʋ kɩbandʋ pe-wezuu caɣʋ taa. Ye mbʋ, ɖiyele Bibl sɩnɩ-ɖʋ nɛ ɖɩlɛɣzɩ ɖe-wezuu caɣʋ nɛ ɖɩcɛyɩsɩ ɖa nɛ Yehowa ɖa-taabalɩyɛ nɛ pɩkɩlɩ. (Keɣa 24:14) Ðɩnaɣ ɛzɩma Yehowa wazɩɣ ɖa-pana ñaɣʋ lɛ, pɩkaɣ yebu nɛ ɖiɖiɣzina se Bibl pɩzɩɣ nɛ kɩlɛɣzɩ ɖe-wezuu caɣʋ tam.—Keɣa 33:9.