Ŋpɩzɩɣ nɛ ŋtɩŋnɩ 2019 tɛ Feŋuu Tilimiye takayɩsɩ yɔɔ nɛ ŋcosi tɔm pɔzʋʋ pʋnɛ pɩ-yɔɔ?

Tamaɣ ŋga Ɛsɔ laba se “paa wonuu ŋgʋ poluba se poyooni-ŋ kɔyɔ, falaa” yɔ, kɔ-tɔbʋʋ lɛ suwe? (Iza. 54:17)

Ðɩpɩzɩɣ nɛ ɖɩtaa liu se Ɛsɔ kaɣ kandɩyʋʋ ɖɔ-yɔɔ se pɩsa nɛ ɖoŋ nɩɩyɩ ɛzɩ “ɖoŋ tɩnaa fezuu” mbʋ yɔ ɛtaaɖɩzɩ-ɖʋ. (Iza. 25:4, 5) Ðo-koyindinaa ɩɩkaɣ pɩzʋʋ kpa se pɔkɔnɩ kaɖɛ ɖe-weziŋ yɔɔ tam tam.—w19.01, h. 6-7.

Mbʋ Ɛsɔ labɩ Kanaŋ ñɩma nɛ Izrayɛɛlɩ piya nzɩ siyebi-i sɛʋ yɔ, ɛzɩma pɩwɩlɩɣ e-siɣsiɣ wɛtʋ?

Ɛsɔ hɔm mba palakaɣ kʋzʋʋ kɩdɛkɛdʋʋ lakasɩ yaa pawɩlaɣ ñaŋ halaa nɛ piya yɔ, pa-nɩŋgbaaŋ. Ɛwazɩ ɛyaa mba pañaŋaɣ-ɩ nɛ mba pataamuluu lalaa yɔ.—w19.02, h. 22-23.

Ye weyi ɛtɩkɛ Yehowa Aseɣɖe Tʋ yɔ ɛwɛɛ nɛ ɛlakɩ adɩma alɩwaatʋ ndʋ ɖɩwɛ peeɖe yɔ, ɛzɩma pɩwɛɛ se ɖɩla?

Ðɩpɩzɩɣ nɛ ɖɩcaɣnɩ ñamtʋ nɛ ɖisu tamɩyɛ ɛlɛ ɖɩɩyɔɔdʋʋ se “amɛn” yaa ɖa nɛ mba pɛwɛ peeɖe yɔ, ɖɩɩɖɔkʋʋ ɖama nesi. Ðɩpɩzɩɣ nɛ ɖɩla ɖa-maɣmaɣ ɖa-adɩma ɖe-liu tɛɛ.—w19.03, h. 31.

Ɛbɛ yɔɔ pɔtɔŋ se pɩɣa sʋnʋʋ kɛ kɩdɛkɛdɩm sɔsɔm?

Weyi ɛsʋnɩ pɩɣa yɔ, ɛlabɩ kɩdɛkɛdɩm pɩɣa ŋga, ɛgbɛyɛ, komina nɛ Ɛsɔ. Ye ɛjaɖɛ paɣtʋ ɛpɔzʋʋ se peheyi piya sʋnʋʋ tɔm komina yɔ, ɛzʋtʋyaa ñaŋ paɣtʋ ndʋ.—w19.05, h. 9-10.

Ɛzɩma ŋpɩzɩɣ nɛ ŋlɛɣzɩ yaa ŋñɔɔzɩ maɣzɩm mbʋ piɖiyiɣ-ŋ yɔ?

Nɩŋgbanzɩ sɩnɛ pɩwɛɛ se ŋkpɛzɩ: Yɔɔdɩnɩ Yehowa adɩma taa. Maɣzɩ nɛ ŋna lɛɣzɩtʋ ndʋ pɩwɛɛ se ŋla yɔ. Lɩzɩ ña-taabalaa nɛ lɛɣtʋ.—w19.06, h. 11.

Ɛbɛ ɖɩpɩzɩɣ ɖɩla lɛɛlɛɛyɔ nɛ ɖɩñɔɔzɩ ɖa-tɩ nɛ ɖɩɖaŋ nazɩm?

Pɩwɛɛ se ɖɩcɛyɩsɩ ɖa nɛ Yehowa ɖa-taabalɩyɛ. Wɛɛnɩ tisuu se ɛsɔɔlɩ-ɖʋ nɛ ɛɛkaɣ-ɖʋ lɔʋ kpa. Kalɩ Bibl paa ɖooye nɛ ŋtɩmɩɣ ɖoŋ ɖoŋ. Ña-taa ɛtɛ se toovenim taa lɛ, Kewiyaɣ wazasɩ kaɣ kɔm. Ðɔkɩ masɩ nɛ samtʋ hendu ndʋ ŋkɩlɩ sɔɔlʋʋ yɔ ña-ñʋʋ taa.—w19.07, h. 2-4.

Ɛbɛ ɖɩpɩzɩɣ ɖɩla nɛ ɖɩsɩnɩ ɖɔ-hɔʋ taa ñɩma nɛ pehiɣ ñʋʋ yabʋ?

Pɩcɛyaa se ɖɩwɩlɩ se ɖɩnɩɣ pɔ-tɔm taa, ɖiyele nɛ ɖɛ-wɛtʋ kɩbandʋ lɩzɩ aseɣɖe, nɛ ɖɩwɛɛ suuɖu ɛlɛ ɖitaayele nɛ pɛlɛɣzɩ ɖa-lɩmaɣza.—w19.08, h. 15-17.

Ɛzɩ Yesu labʋ tamaɣ Maatiyee 11:28 taa yɔ, ɛzɩma pɛhɛzɩɣ ɖa-laŋa?

Ðɩwɛnɩ Krɩstʋ ñɩma mba pɔcɔŋnɩ ɖɔ-yɔɔ nɛ sɔɔlɩm yɔ, taabalaa kɩbama nɛ tʋmɩyɛ kɩbanɖɛ.—w19.09, h. 23.

Ɛzɩma Ɛsɔ pɩzɩɣ eyele nɛ ɖɩsɔɔlɩ nɛ ɖɩtɛ ɖɩwɛɛnɩ ɖoŋ nɛ ɖɩla mbʋ payɩ ɛsɔɔlaa yɔ? (Fil. 2:13)

Ye ɖɩkalɩɣ Ɛsɔtɔm nɛ ɖɩmaɣzɩɣ tɩ-yɔɔ yɔ, Ɛsɔ pɩzɩɣ nɛ ɛha-ɖʋ ɖoŋ, pɩtɩŋnɩ ɛzɩma eyeki se ɖɩsɔɔlɩ nɛ ɖɩwɛɛnɩ ɖoŋ nɛ ɖɩla ɛ-sɔɔlɩm yɔ. E-fezuu pɩzɩɣ kɩsɩnɩ-ɖʋ nɛ ɖɩwɛɛ niye nɛ pɩkpaɖɩ.—w19.10, h. 21.

Pʋcɔ nɛ ɖɩkpaɣ lɩmaɣzɩyɛ kɩcɛyɩyɛ naɖɩyɛ lɛ, nɩŋgbanzɩ kɩbanzɩ nzɩ pɩwɛɛ se ɖɩkpɛzɩ?

Nɩŋgbanzɩ kagbaanzɩ yɔ: Ñɩnɩ ɛgbɛyɛ takayɩsɩ taa camɩyɛ. Tɩmɩ nɛ ŋpɔzɩ lɔŋsɩnɖɛ. Tazɩ mbʋ piseɣtiɣ-ŋ yɔ pɩ-taa camɩyɛ. Wɛɛnɩ kaɖʋsɩ nasɩyɩ ɖeyi ɖeyi. Tɩlɩ ño-ɖoŋ kamaɣ.—w19.11, h. 27-29.

Ɛzɩ tɔm ndʋ Sataŋ kaaheyi Ɛva yɔ, tɩ-taa kalɩzaɣ maasɩkɩ lɩmaɣzɩyɛ paɣzaa?

Pɩɩkɛɣnɩ mbʋ. Sataŋ heyi Ɛva se ɛɛkaɣ sɩbʋ, etiheyi-i se ɛkaɣ sɩbʋ ɛsa yɔɔ yem na. Paɖɩzɩ cɛtɩm Ɛsɔ sɛtʋ wɩlɩtʋ tɩŋa tɛʋ sɔsɔʋ alɩwaatʋ taa. Tisuu mbʋ ɛyaa wɛna se kaalɩzaɣ ɛɛsɩkɩ yɔ, pɩtɩla pɩpaɣzaa pʋcɔ nɛ Ɛsɔ mɩzɩɣ samaɣ ŋga kamaɣaɣ Babɛɛlɩ tilimiye yɔ.—w19.12, h. 15.