Pɩtɩla ɛzɩ ɖa-taa sakɩyɛ yɔ, pɩfɛyɩ-ŋ kɛlɛʋ se ŋtɔzʋʋ ndʋ ŋkpɛlɩkɩɣ yɔ tɩ-yɔɔ. Ɛlɛ pɩwɛ-ɖʋ kɛlɛʋ se ɖɩtɔzɩ tɔm ndʋ Yesu wɩlaa yɔ tɩ-yɔɔ, mbʋ pʋyɔɔ yɔ ɛlabɩnɩ tʋmɩyɛ kɩɖaŋ. Ŋpɩzɩɣ nɛ ŋmaɣzɩ nɛ ŋna kɩɖaŋ ɛnɩ ɩ-kɩlɛmɩŋ ña-maɣzɩm taa nɛ pɩsɩnɩ-ŋ nɛ ŋtɔzɩ ndʋ ɛwɩlaa yɔ tɩ-yɔɔ. Mbʋ ɖɔɖɔ, ye ŋmaɣzɩɣ ndʋ ŋkpɛlɩkɩɣ yɔ tɩ-kɩlɛmɩŋ yɔɔ ña-maɣzɩm taa yɔ, pɩsɩɣnɩ-ŋ nɛ ŋtɔzɩ ndʋ ŋkpɛlɩkɩɣ yɔ tɩ-yɔɔ. Ɛzɩma ŋpɩzɩɣ nɛ ŋla mbʋ? Ŋpɩzɩɣ nɛ ŋla mbʋ ye ŋlɩzɩɣ mbʋ ŋkpɛlɩkɩɣ yɔ pɩ-kɩlɛmɩŋ yɔ.

Ɛyaa mba palɩzɩɣ tɔm kɩfatʋ ndʋ pɛkpɛlɩkɩɣ yɔ tɩ-kɩlɛmɩŋ yɔ, ɖoŋ ɖoŋ lɛ pɔtɔzʋʋ tɩ-yɔɔ camɩyɛ nɛ pɩkɩlɩɣ. Peɖiɣzinaa se kɩlɛmɩŋ lɩzʋʋ sɩɣnɩ-wɛ nɛ panɩɣ tɔm pee taa camɩyɛ, nɛ ɩsɩɣnɩ-wɛ ɖɔɖɔ nɛ panɩɣ tɔm ndʋ pɛkpɛlɩkɩɣ yɔ tɩ-lɩmaɣza sɔsɔna taa. Paalɩzɩɣ kɩlɛmɩŋ ɛnɩ lɛ paacanɩɣ-ɩ, ɛlɛ palɩzɩɣ-ɩ nɛ ɩwɛɛ kɛlɛʋ. Kɩlɛmɩŋ lɩzʋʋ sɩɣnɩ kɔzɩ kɔzɩ ɛyaa mba pasʋtʋyaa yɔ se pɔtɔzɩ tɔm ndʋ pɛkpɛlɩkɩɣ yɔ tɩ-yɔɔ.

Alɩwaatʋ ndʋ ŋtasɩɣ kpɛlɩkʋʋ yɔ, ŋpɩzɩɣ nɛ ŋñaɣ pana nɛ ŋlɩzɩ mbʋ ŋkpɛlɩkɩɣ yɔ pɩ-kɩlɛmɩŋ. Pɩkaɣ-ŋ ɖɩɣzʋʋ se ŋtɔzʋʋ ndʋ ŋkpɛlɩkaa yɔ tɩ-yɔɔ.