FEŊUU TILIMIYE—NĐƖ PƐKPƐLƖKƖƔ YƆ Juin 2020
Tɔm ñʋŋ weyi ɖɩkpɛlɩkɩɣ 3-30 août 2020 yɔ, ɩwɛ takayaɣ kanɛ ka-taa.
“Ña-hɩɖɛ yɔɔ ɛñalɩ”
Tɔm ñʋʋ ŋgʋ ɖɩkpɛlɩkɩɣ yɔ 23: 3-9 août 2020. Tɔm kɩcɛyɩtʋ ndʋ tukuuni ɛyaa nɛ tiyiyaa? Ɛbɛ yɔɔ tɩ-tɔm cɛyɩ siŋŋ, nɛ ɛzɩma tɩyɛ titukuuni-ɖʋ? Tɔm pɔzʋʋ pʋnɛ pɩ-yɔɔ cosuu kaɣ-ɖʋ sɩnʋʋ se ɖɩcɛyɩsɩ ɖa nɛ Yehowa ɖa-taabalɩyɛ.
“Ha-m laŋɩyɛ kʋɖʋmɖɩyɛ nɛ maña ña-hɩɖɛ!”
Tɔm ñʋʋ ŋgʋ ɖɩkpɛlɩkɩɣ yɔ 24: 10-16 août 2020. Tɔm ñʋʋ kʋnɛ kɩ-taa, ɖɩkaɣ tazʋʋ adɩma wena Daviid labɩ Ɛsɔ Keɣa 85:11, 12 taa yɔ a-taa. Ye pɔtɔm se ɖise Yehowa hɩɖɛ sɔɔndʋ yɔ, pɩ-tɔbʋʋ lɛ suwe? Ɛbɛ yɔɔ pɩpɔzʋʋ se ɖɩwɛɛnɩ ñamtʋ siŋŋ hɩɖɛ sɔsɔɖɛ nɖɩ ɖɩ-yɔɔ? Nɛ ɛzɩma Ɛsɔ sɔɔndʋ seu kandɩyɩɣ ɖɔ-yɔɔ alɩwaatʋ ndʋ pɩtakɩɣ-ɖʋ se ɖɩla mbʋ pɩtɩtʋʋzɩ yɔ?
Tɔm ndʋ ɖa-takayɩsɩ kalɩyaa pɔzʋʋ yɔ
Wɛtʋ ndʋ tɩ-tɔm pɔyɔɔdɩ Galaatii mba 5:22, 23 taa yɔ, ti-ɖeke tɩkɛnɩ wɛtʋ ndʋ pɛkpɛndaa nɛ payaa se “piye nɖɩ fezuu lʋlʋʋ yɔ”?
“Ma-maɣmaɣ mankaɣ wobu mañɩnɩ mo-wondu”
Tɔm ñʋʋ ŋgʋ ɖɩkpɛlɩkɩɣ yɔ 25: 17-23 août 2020. Ɛbɛ yɔɔ ɛyaa nabɛyɛ, mba paaɖɔkɩ pe-siɣsiɣ wɛtʋ Yehowa ɛsɩndaa pɩnzɩ sakɩyɛ yɔ, pɔkɔm nɛ poposini ɛgbɛyɛ? Lɩmaɣza wena Ɛsɔ wɛnɩ pɔ-yɔɔ? Tɔm ñʋʋ kʋnɛ kicosuu tɔm pɔzʋʋ mbʋ pɩ-yɔɔ. Kɩyɔɔdʋʋ ɖɔɖɔ mbʋ ɖɩpɩzɩɣ nɛ ɖɩkpɛlɩkɩ pɩlɩɩnɩ ɛzɩma Yehowa kaasɩnɩ ɛyaa nabɛyɛ Bibl alɩwaatʋ taa yɔ pɩ-tɔm; ɛyaa mba paaposini-i alɩwaatʋ natʋyʋ.
“Ɩpɩsɩ mɔn-cɔlɔ”
Tɔm ñʋʋ ŋgʋ ɖɩkpɛlɩkɩɣ yɔ 26: 24-30 août 2020. Yehowa sɔɔlaa se mba peyebi tɔm susuu nɛ kediɣzisi wobu yɔ, papɩsɩ ɛ-cɔlɔ. Ðɩpɩzɩɣ nɛ ɖɩñaɣ pana nɛ ɖɩkpazɩ ɖoŋ mba pɛhɛ fezuu taa nɛ pɔsɔɔlɩ se petisi nɛ pɔɖɔ Yehowa tɔm tʋnɛ tɩ-yɔɔ yɔ. Ɛtɔm se: “Ɩpɩsɩ mɔn-cɔlɔ.” Tɔm ñʋʋ kʋnɛ kɩ-taa, ɖɩkaɣ yɔɔdʋʋ ɛzɩma ɖɩpɩzɩɣ nɛ ɖɩsɩnɩ-wɛ yɔ pɩ-tɔm.
