Ða-takayɩsɩ nzɩ sɩ-taa ɖɩñɩnɩɣ tɔm yɔ, sɩpɩzɩɣ sɩsɩnɩ-ŋ nɛ ŋkpɛlɩkɩ tɔm pɩlɩɩnɩ tɔm ñʋŋ ndɩ ndɩ yɔɔ. Takayɩsɩ nzɩ paɖʋ intɛrnɛɛtɩ yɔɔ se pɩsɩnɩ-ɖʋ nɛ ɖɩñɩnɩ tɔm yɔ sɩ-taa nasɩyɩ yɔ: lexique, Étude perspicace des Écritures, Guide de recherche pour les Témoins de Jéhovah nɛ Index des publications des Témoins de Jéhovah.

Watchtower INTƐRNƐƐTƖ YƆƆ TAKAYƖSƖ ÐƖZƖYƐ hɔɔlʋʋ tɔm ɖɩñɩnɩyɛ pɩzɩɣ pɩsɩnɩ-ŋ nɛ ŋna takayɩsɩ nzɩ sɩ-taa tɔm ndʋ ŋñɩnɩɣ yɔ tɩwɛɛ yɔ. Ŋpaɣzɩɣ tɔm piye naɖɩyɛ maʋ tɔm ñɩnʋʋ aɖakaɣ taa lɛ, tɔm pee ndɩ ndɩ lɩɣ aɖakaɣ tɛɛ nɛ ŋlɩzɩ nɖɩ ŋsɔɔlaa yɔ.

Kɩɖaʋ nakʋyʋ yɔ: Paɣzɩ maʋ tɔm piye «Yehowa» tɔm ñɩnʋʋ aɖakaɣ taa (A). Ñɩɣ tɔm piye «Yehowa» yɔɔ tɔm pee wena alɩ pɩ-tɛɛ yɔ a-taa yaa «Tɔm ñʋʋ» yɔɔ (B). Ŋkaɣ naʋ takayɩsɩ ndɩ ndɩ nzɩ sɩ-taa tɔm piye nɖɩ ɖɩwɛɛ yɔ.