Hɔɔlʋʋ «Ɛbɛ kɛ kɩfam» ŋgʋ kɩwɛ JW Library^® nɛ jw.org yɔɔ yɔ kɩ-taa paɖʋʋ tɔm ñʋŋ nɛ videowaa mba palɩzaa nɛ pitileɖi yɔ. Ɛzɩma ŋpɩzɩɣ nɛ ŋlabɩnɩ tʋmɩyɛ hɔɔlʋʋ ŋgʋ nɛ ŋna tɔm kɩfatʋ ndʋ paɖʋʋ peeɖe yɔ?

• Palɩzɩɣ tɔm ñʋʋ kɩfalʋʋ nakʋyʋ lɛ paɖʋʋ-kʋ ki-tindimiye taa hɔɔlʋʋ rubriques taa. Pʋyɔɔ lɛ, alɩwaatʋ ndʋ tɔm ñʋʋ nakʋyʋ lɩɣ hɔɔlʋʋ «Ɛbɛ kɛ kɩfam» taa yɔ, ŋpɩzɩɣ nɛ ŋkpaɣ-kʋ ki-tindimiye taa. Pʋwayɩ lɛ, ŋkuluu tɔm ñʋʋ tindimiye nɖɩ ɖɩ-taa kɩwɛɛ yɔ lɛ, ŋgʋ kɛnɩ kajalaɣ ñɩŋgʋ nɛ ŋpɩzɩɣ nɛ ŋkalɩ-kʋ.

• Takayɩsɩ nzɩ sɩ-taa tɔm ɖɔwa yɔ, ɛzɩ fenaɣ fenaɣ takayɩsɩ mbʋ yɔ, pɩtɩla yɔ ŋŋpɩzɩɣ nɛ ŋkalɩ sɩ-taa tɔm tɩŋa kpaagbaa. Ŋpɩzɩɣ nɛ ŋsɔzɩ-kɛ hɔɔlʋʋ Favoris taa nɛ ŋpɩzɩ nɛ ŋna-kɛ kɛlɛʋ nɛ ŋtɛzɩ-kɛ kalʋʋ. Ŋtɛŋ-kɛ kalʋʋ lɛ, ŋpɩzɩɣ nɛ ŋhɩzɩ-kɛ Favoris taa.

Tɔm ñʋŋ nɩɩyɩ wɛɛ lɛ, jw.org yɔɔ ɖeke paɖʋʋ-ɩ, ɩfɛyɩ JW Library yɔɔ. Ɩ-taa nɩɩyɩ lɛ mbʋ pɩlakɩ lɛɛlɛɛyɔ yɔ nɛ tɔm kususutu. Tɔzʋʋ nɛ ŋcɔŋnɩ intɛrnɛɛtɩ yɔɔ hɔɔlʋʋ «Ɛbɛ kɛ kɩfam» taa ɖoŋ ɖoŋ nɛ pɩsa nɛ ŋna tɔm ñʋŋ kɩfaŋ weyi paɖʋʋ yɔ.