Ye nɔɔyʋ ɛtɩpaɖɩ-ŋ yɔ, pɩtɩla papaɖɩ nɔɔyʋ nɛ ŋna. Ðɩnɩɣ ɖoŋ ɖoŋ se ɛyaa paɖɩɣ ɖama mbʋ pʋyɔɔ palɩnɩ ajɛɛ ndɩ ndɩ taa, patɩkpɛndɩ tomnaɣ tɔlɩm yaa pɛkɛ mba paka kʋzʋʋ pilinzi nɛ pasʋʋnɩ ɖama yɔ. Piyeba nɛ kominawaa sakɩyɛ ɖʋ paɣtʋ se ye paɖɩyɛ eyeba nɛ nɔɔyʋ la kɩdɛkɛdɩm nabʋyʋ yɔ, pɩpɔzʋʋ se pɔhɔ ɛ-nɩŋgbaŋʋʋ siŋŋ.

Ɛyaa mba lalaa paɖɩɣ-wɛ yɔ, pɩwɛ kɛlɛʋ se mba ɖɔɖɔ papaɖɩ lalaa. Ɛyaa mba lalaa paɖɩɣ-wɛ yɔ, sakɩyɛ taa lɛ pɔsɔɔlaa se pakpa kɩmɩyɛ nɛ pɩɖaɣnɩɣ paɖɩyɛ kɔnʋʋ pa nɛ mba pakpaɣ-wɛ kɩmɩyɛ yɔ pɛ-hɛkʋ taa.

Pɩtɩla yɔ wiɖiyi ɛyaa nabɛyɛ tɛm wɩlʋʋ se pɛfɛyɩnɩ lɩmaɣza kɩbana ñɔ-yɔɔ, pomuli-ŋ, penimi-ŋ, yaa patʋ-ŋ. Ɛlɛ paɖɩyɛ ɛɛsɩɣnɩ lakasɩ nzɩ si-ɖeke na. Ðoŋ ɖoŋ lɛ, mba papaɖɩɣ lalaa yɔ, paɖʋʋ-wɛ fɛyɛ, pamakɩ-wɛ, panazɩɣ-wɛ yaa halɩ pakʋʋ-wɛ.

Feŋuu Tilimiye takayaɣ kanɛ kakaɣ cosuu tɔm ndʋ tɩkɔŋ yɔ tɩ-yɔɔ, nɛ kawɩlɩ ɛzɩma ɖɩpɩzɩɣ nɛ ɖɩwa paɖɩyɛ lakasɩ yɔ:

• Ɛbɛ yɔɔ paɖɩyɛ tɔyɩ siŋŋ mbʋ?

• Ɛbɛ ɖɩpɩzɩɣ ɖɩla nɛ paɖɩyɛ sɩɩ tɩnaɣ?

• Wiɖiyi paɖɩyɛ kaɣ sɩʋ tɩnaɣ tam