Lidaʋ ŋgʋ ɖɩwɛnɩ ɛyaa mba pasɩba yɔ pɔ-yɔɔ?
Sɩm tukuuni paa weyi. Ɛlɛ ɛzɩ ɛyʋ sɩkɩ lɛ, pɩtɛma? Ɛzɩ Ɛsɔ sɔ sɩɖaa yɔɔ? Lidaʋ nakʋyʋ wɛ mba pasɩba yɔ pɔ-yɔɔ?
NDƲ BIBL YƆƆDƲƲ YƆ:
ƐSƆ TƖSƆƆ SƖÐAA YƆƆ
“Mba payɩ pɛwɛ pɩlaŋ taa yɔ, pakaɣ nɩʋ ɛ-nɔɔ nɛ palɩɩ.”—Yohanɛɛsɩ 5:28, 29.
Ɛsɔ tɩsɔɔ sɩɖaa yɔɔ; mba pɛwɛ ɛ-lɩmaɣza taa yɔ, pakaɣ fem.
PAKAƔ FEZUU ƐYAA TƐTƲ YƆƆ
“Pakaɣ fezuu ɛyaa siɣsiɣ tɩnaa nɛ mba pɛfɛyɩ siɣsiɣ yɔ.”—Tʋma Labʋ 24:15.
Pakaɣ fezuu ɛyaa miiliyaarɩwaa sakɩyɛ nɛ paha-wɛ waɖɛ se pacaɣ wezuu tamtam laŋhɛzɩyɛ taa.
ÐƖPƖZƖƔ ÐƖWƐƐNƖ TISUU SƖÐAA FEZUU TƆM YƆƆ
Ɛsɔ “ɛnʋ ɛsɩmna tɩɩnzɩ ñʋʋ, nɛ ɛtɩlɩ sɩ-tɩŋa sɩ-hɩla.”—Keɣa 146:4.
Ɛzɩma Ɛsɔ yaɣ tɩnzɩ nɛ sɩ-hɩla yɔ pʋyɔɔ lɛ, ɛpɩzɩɣ ɖɔɖɔ nɛ ɛtɔzɩ sɩɖaa yɔɔ kɛlɛʋ yem nɛ efezi-wɛ.
