ƐBƐ YƆƆ PƖCƐYAA? Pɩwɛ kaɖɛ yʋlʋmaa sakɩyɛ se pala kɛdaɣ nɛ ɛyaa mba paasɩŋ-wɛ yɔ. Pʋyɔɔ pɩpɔzʋʋ se ɖɩwɛɛ lɛɣtʋ alɩwaatʋ ndʋ ɖɩñɩnɩɣ se ɖisusi ɛyaa mba tɔm yɔ. Yehowa maɣzɩɣ yʋlʋmaa yɔɔ nɛ sɔɔlɩm. (Lev 19:14) Ye ɖɩñakɩ pana se ɖɩsɩnɩ yʋlʋmaa fezuu taa yɔ, ɖɩpɩzɩɣ nɛ ɖɩmaɣzɩnɩ ɛ-kɩɖaʋ.

ƐZƖMA PƖWƐƐ SE ÐƖLA?

• ‘Ñɩnɩ’ yʋlʋmaa. (Mt 10:11) Ŋsɩm nɔɔyʋ nɛ ɛ-hɔʋ taa tʋ nɔɔyʋ kɛ yʋlʋm na? Yʋlʋmaa sukuli nakʋyʋ yaa tʋmɩyɛ naɖɩyɛ wɛ ño-kooka taa nɛ ɖɩ-yɔɔ cɔnɩyaa sɔɔlɩ takayɩsɩ nzɩ palɩzaa se sɩwazɩ yʋlʋmaa yɔ?

• Wɩlɩ se ŋmaɣzɩɣ pɔ-yɔɔ. Ye ŋɖʋʋ taabalɩyɛ nɛ yʋlʋmaa nɛ ŋwɩlɩɣ-wɛ se ŋmaɣzɩɣ pɔ-yɔɔ yɔ, pɩwɛɣ-wɛ kɛlɛʋ sɛ pɔyɔɔdɩnɩ-ŋ. Ñaɣ pana nɛ ŋpaɣzɩ kɛdaɣ nɛ tɔm ndʋ tɩkɛdɩɣnɩ ɛyaa ñe-egeetiye taa yɔ

• Sɩnɩ-wɛ fezuu taa. Pɩsa nɛ pasɩnɩ yʋlʋmaa yaa mba paanaɣ camɩyɛ yɔ lɛ, ɛgbɛyɛ lɩzɩ yʋlʋmaa takayɩsɩ ndɩ ndɩ. Pɔzɩ paa weyi ɛzɩma ɛsɔɔlaa se pɛkpɛlɩkɩnɩ-ɩ yɔ. Pɩwɛɛ se tɔm susuu tʋmɩyɛ yɔɔ cɔnɩyʋ ɛñaɣ pana nɛ ɛsɩnɩ takayɩsɩ yɔɔ cɔnɩyʋ nɛ ɛlɛ pɔzɩ takayɩsɩ nzɩ pɩpɔzʋʋ yʋlʋmaa yɔ