Paa pɩnaɣ ŋga ɖɩñakɩ pana siŋŋ se ɖɩyaa ɖe-egeetiye taa ɛyaa nɛ pɔkɔɔ nɛ ɖa nɛ wɛ ɖɩla Krɩstʋ sɩm yɔɔ tɔzʋʋ sɔnzɩ. Pa-taa sakɩyɛ kɛ ɛyaa mba ɖɩɩsɩŋ yɔ. Pɩpɔzʋʋ se ɖɩyaa ɛyaa mba ɖɩsɩm-wɛ ɖɔɖɔ yɔ. Ðoŋ ɖoŋ lɛ, ɛyaa mba pamʋʋ yaʋ takayɩsɩ pɛ-ɛyɩsɩmaa nabɛyɛ cɔlɔ yɔ, petisiɣ nɛ powoki sɔnzɩ nzɩ sɩ-ɖɩlaɖɛ. (yb08 11 § 3; 14 § 1) Mba nɛ mba ŋpɩzɩɣ nɛ ŋyaa?

• Ñɔ-hɔʋ taa ñɩma

• Ña nɛ mba ɩlakɩ tʋmɩyɛ yaa sukuli yɔ

• Ñɔ-cɔlɔ ñɩma

• Mba ɖooo lɛ, paakɛ ñɛ-tɛ pɩsɩ nɛ ŋna-ɩ waa yaa ñe-Bibl kpɛlɩkɩyaa yɔ

Pɩtasɩ lɛ, pɩwɛɛ se ɛgbɛyɛ taa ɛzʋtʋyaa ɩyaa mba pɛhɛ fezuu taa yɔ. Ɛlɛ ɛbɛ pɩwɛɛ se ŋla ye ñɛ-ɛyɩsɩm nɔɔyʋ ɛfɛyɩ ñe-egeetiye taa? Ŋpɩzɩɣ ŋwolo jw.org ɖɩbazɩyɛ, ŋsʋʋ ƐYAA MBA ÐƖKƐNAA taa nɛ ŋñɩnɩ “Krɩstʋ sɩm yɔɔ tɔzʋʋ sɔnzɩ” nɛ pɩsa nɛ ŋna alɩwaatʋ nɛ lone nɖɩ ɖɩ-taa pakaɣ labʋ sɔnzɩ nzɩ ɖenɖe ñɛ-ɛyɩsɩm ɛnʋ ɛwɛɛ yɔ. Alɩwaatʋ ndʋ ŋñɔɔzʋʋ ña-tɩ se ŋla sɔnzɩ nzɩ pɩnaɣ kanɛ yɔ, taasɔɔ ɛyaa mba ŋpɩzɩɣ nɛ ŋyaa yɔ pɔ-yɔɔ; ñaɣ pana nɛ ŋha yaʋ takayaɣ pa-taa paa weyi.