Ɛbɛ yɔɔ pɩwɛɛ se ɖɩñɔtɩnɩ mba pɔsɔɔlɩ Yehowa yɔ? Ða-taabalaa pɩzɩɣ nɛ pɛwɛɛnɩ ɖoŋ kɩbaŋ yaa kɩdɛkɛdɩŋ ɖɔ-yɔɔ. (Adu 13:20) Kɩɖaʋ nakʋyʋ yɔ: Wiyaʋ Yehowaasɩ lakaɣ “kɩbandʋ [Yehowa] ɛsɩndaa” alɩwaatʋ ndʋ ɛñɔtaɣnɩ Cɔjɔ Sɔsɔ Yehoyiyada yɔ. (4Aw 24:2) Yehoyiyada sɩba lɛ, Yehowaasɩ paɣzɩ ɖʋʋ taabalɩyɛ kɩdɛkɛdɩyɛ nɛ ɛha siɣye Yehowa.—4Aw 24:17-19.

Kajalaɣ pɩnzɩ mɩnʋʋ taa, apostoloo Pɔɔlɩ kpaɣ Krɩstʋ ɛgbɛyɛ nɛ ɛmaɣzɩnɩ “ɖɩɣa sɔsɔɔ” nakɛyɛ nɛ ɛkpaɣ ɛgbɛyɛ taa mba nɛ ɛmaɣzɩnɩ ɖɩɣa taa “wondu.” Ðɩkɛɣnɩ wondu ndʋ “palakɩnɩ mbʋ pɩwɛ wazaɣ siŋŋ yɔ” ye ɖɩɩɖʋʋ taabalɩyɛ nɛ mba payɩ pɛfɛyɩnɩ Yehowa sɔɔlɩm yɔ, paa patɩɩkɛ ɖɔ-hɔʋ taa mba yaa ɛgbɛyɛ taa mba yɔ. (2Ti 2:20, 21) Ye mbʋ, ɖiwolo pɩ-yɔɔ nɛ ɖɩɖʋʋ taabalɩyɛ nɛ mba pɔsɔɔlɩ Yehowa nɛ peseɣtiɣ-ɖʋ se ɖɩsɛɛ-ɩ yɔ.

CƆNƖ VIDEO KPƐLƖKƖ ƐZƖMA ŊSE TAABALƖYƐ KƖDƐKƐDƖYƐ YƆ, NƐ PƲWAYƖ LƐ, ŊCOSI TƆM PƆZƲƲ PƲNƐ PƖ-YƆƆ:

• Nʋmɔŋ weyi ɩ-yɔɔ ɖɩpɩzɩɣ ɖɩtɩŋna nɛ ɖɩɖʋ taabalɩyɛ kɩdɛkɛdɩyɛ nɛ halɩ ɖa-maɣmaɣ ɖɩɩtɩlɩɣ?

• Video taa, ɛbɛ sɩnɩ Krɩstʋ mba nabɛyɛ naadozo nɛ peyele ɖʋʋ taabalɩyɛ kɩdɛkɛdɩyɛ?

• Bibl paɣtʋ kila wena pɩzɩɣ asɩnɩ-ŋ nɛ ŋlɩzɩ ña-taabalaa nɛ lɔŋsɩnɖɛ?