Yakɔɔb kaalʋbɩnɩ Ɛsɔ tiyiyu nɔɔyʋ se pɩsa nɛ ehiɣ mbʋ pɩ-tɔm cɛyɩ siŋŋ yɔ; nɛ mbʋ lɛ, Yehowa wazasɩ. (Kiɖe 32:24-31; Ozee 12:3, 4) Nɛ ɖa yɔ? Ðitisiɣ nɛ ɖɩñaɣ pana se ɖɩña Yehowa nɛ ɖihiɣ ɛ-wazasɩ na? Ye pɔpɔzɩ-ɖʋ se ɖɩla tʋmɩyɛ nɛ pɩcɛzɩ tʋmɩyɛ alɩwaatʋ yɔɔ, ŋgʋ pɩɩkaɣ-ɖʋ haʋ nʋmɔʋ se ɖiwolo kediɣzisi yɔ, ɛzɩma ɖɩkaɣ labʋ? Ye ɖɩhaɣ Yehowa ɖa-alɩwaatʋ, ɖo-ɖoŋ nɛ ɖa-ñɩm ɛzɩ pɩpɔzʋʋ yɔ, ɛpɩyɩɣ ɖɔ-yɔɔ “wazaɣ nɛ pɩɖɔɔ sakɩyɛ.” (Mal 3:10) Eɖiyiɣ-ɖʋ, ɛkandɩyɩ ɖɔ-yɔɔ, nɛ ɛcɔnɩ ɖa-kɩcɛyɩm ɖeɖe.—Mt 6:33; Ebr 13:5.

CƆNƖ VIDEO KA ÑA-LƖMAƔZA FEZUU TAA KAÐƲSƖ YƆƆ NƐ PƲWAYƖ LƐ, ŊCOSI TƆM TƲNƐ TƖ-YƆƆ:

• Ɛzɩma pɩtakɩ koobu halɩñɩnʋ ɛnʋ pɩlɩɩnɩ mbʋ ɛsɔɔlaa yɔ pɩ-yɔɔ?

• Ɛzɩma ɖa-tʋmɩyɛ pɩzɩɣ nɛ ɖɩkɔnɩ takɩm ɖɔ-yɔɔ?

• Ɛbɛ yɔɔ pɩɩcɛyaa se Timootee ɛɖʋ ɛ-tɩ fezuu taa kaɖʋsɩ, paa ɛɛtɛm pɩʋ fezuu taa yɔ?—1Ti 4:16.

• Ɛzɩma ɖɩpɩzɩɣ nɛ ɖɩwɩlɩ tʋmɩyɛ nɖɩ ɖɩ-tɔm kɩlɩ cɛyʋʋ ɖɛ-ɛsɩndaa yɔ?