Ɛzɩ ɖɩtɩɩlakʋʋ yɔ, ɖɩsɔɔlaa se ɖɩwɩlɩ se ɖɩsɔɔlɩ Yehowa nɛ ɛyaa lalaa kigbeɣluu alɩwaatʋ taa. (Mat. 22:37-39) Pɔyɔɔdɩ sɔɔlɩyʋ tɔm 1 Kɔrɛntɩ 13:4-8 taa se: “Sɔɔlɩyʋ ɖɔkʋʋ ɛ-tɩ; sɔɔlɩyʋ wazɩɣ, . . . ɛɛlakɩ mbʋ pɩtɩtʋʋzɩ yɔ, ɛɛñɩnɩɣ ɛ-kɛzɛɣa, ɛɛmʋʋ pana. . . . Sɔɔlɩm ɛɛkaɣ tɛm.” Ŋŋcɔŋnɩ Kigbeɣluu yɔɔ tɔm kɩtɔzɩtʋ tɛ video lɛ, maɣzɩ ɛzɩma ŋpɩzɩɣ nɛ ŋwɩlɩ lalaa sɔɔlɩm kigbeɣluu taa yɔ pɩ-yɔɔ.

• alɩwaatʋ ndʋ ɖɩñɩnɩɣ ɖɩjaɣyɛ yɔ?

• alɩwaatʋ ndʋ minziiki caɣ paɣzʋʋ yɔ?

• alɩwaatʋ ndʋ ɖɩwɛɣ ɖa-ɖɩzʋyɛ taa yɔ?

• alɩwaatʋ ndʋ pɩpɔzʋʋ se ɖɩha ɖa-tɩ nɛ ɖɩla tʋmɩyɛ naɖɩyɛ yɔ?