ƐBƐ YƆƆ PƖCƐYAA? Toovenim tɔm ɖomaɣ ŋga poɖu mba pɛwɛnɩ laŋa kɩbana nɛ pamʋnɩ wezuu maatɛŋ yɔ pa-taa yɔ, Yehowa lakɩ nɛ kapaɣlɩɣ. (Tʋma 13:48; 1Kɔr 3:7) Ye ɖɩsɔɔlaa se ɖa nɛ Yehowa ɖɩkpɛndɩ nɛ ɖɩla tʋmɩyɛ yɔ, pɩwɛɛ se ɖɩka ñʋʋ nɛ ɛyaa mba pɔɖɔŋ tɔm ndʋ pɛkpɛlɩkɩɣ-wɛ yɔ tɩ-yɔɔ yɔ ɖɔ-tɔm susuu taa. (1Kɔr 9:26) Pɩcɛyaa se Bibl kpɛlɩkɩyaa ɩnɩɩ pɩ-taa se pʋcɔ nɛ pehiɣ ñʋʋ yabʋ lɛ, pɩcɛyaa se paha pa-tɩ nɛ pamɩyɩsɩ-wɛ lɩm. (1Pɩy 3:21) Ye ɖɩsɩɣnɩ-wɛ se pala lɛɣzɩtʋ pe-wezuu caɣʋ taa, posusi tɔm nɛ pawɩlɩ-tʋ ɛyaa lalaa, nɛ pakpaɣ pe-wezuu nɛ paha Yehowa yɔ, ɖɩnɛ ɛlɛ, ɖɩsɩɣnɩ-wɛ se papɩsɩ tɔmkpɛlɩkɩyaa.​—Mat 28:19, 20.

ƐZƖMA PƖWƐƐ SE ÐƖLA?

• Tɔzɩ Bibl kpɛlɩkɩyaa se lɩmaɣzɩyɛ nɖɩ ɖɩ-yɔɔ ña nɛ wɛ ɩkpɛlɩkɩɣ yɔ, nɖɩ yɔ se ŋsɩnɩ-wɛ nɛ patɩlɩ Yehowa nɛ pala ɛ-sɔɔlɩm.​—Yoh 17:3

• Sɩnɩ-wɛ nɛ pawa ɛjandʋ ɛzɩ wɛtʋ kɩdɛkɛdɩtʋ nɛ taabalɩyɛ kɩdɛkɛdɩyɛ ɖʋʋ mbʋ yɔ nɛ pɩsa nɛ pɛɖɛɛnɩ ɛsɩndaa fezuu taa

• Pʋcɔ nɛ pamɩyɩsɩ-wɛ lɩm, nɛ pɛtɛŋ-wɛ lɩm mɩyɩsʋʋ ɖɔɖɔ lɛ, kpazɩɣ-wɛ ɖoŋ nɛ ŋseɣtiɣ-wɛ.​—Tʋma 14:22

CƆNƖ VIDEO YEHOWA KAƔ-Ŋ SƖNƲƲ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ pɩzɩɣ piyele nɛ sɔɔndʋ kpa nɔɔyʋ nɛ ɛɛhaɣ ɛ-tɩ se pamɩyɩsɩ-ɩ lɩm?

• Ɛzɩma ɛgbɛyɛ taa ɛzʋtʋyaa pɩzɩɣ nɛ pasɩnɩ Bibl kpɛlɩkɩyaa nɛ pɛɖɛɛnɩ ɛsɩndaa fezuu taa?

• Tɔm ndʋ Izaayii 41:10 kpɛlɩkɩɣ-ɖʋ Yehowa yɔɔ?

• Paa ɖɩtɩtalɩ pilim yɔ, wɛtʋ kɩbandʋ ndʋ kaɣ-ɖʋ sɩnʋʋ nɛ ɖɩsɛɛ Yehowa ɛzɩ pɩmʋnaʋ yɔ?