Alɩwaatʋ ndʋ Pɔɔlɩ nɛ Silaasɩ paawɛ salaka taa lɛ, pete hendu nɛ pasa Yehowa. (Tʋma 16:25) Pɩtʋʋ fɛyɩ se hendu ndʋ tɩɩkpazɩ-wɛ ɖoŋ nɛ pɔɖɔkɩ kpam. Nɛ ɖa yɔ? Hendu ndʋ ɖiteɣ kediɣzisi taa yɔ, nɛ JW Tɔm Ðɩyɔɔdɩyɛ yɔɔ hendu pɩzɩɣ nɛ tɩkpazɩ-ɖʋ ɖoŋ nɛ pɩsɩnɩ-ɖʋ nɛ ɖɩɖɔkɩ ɖe-siɣsiɣ wɛtʋ kpam alɩwaatʋ ndʋ ɖɩwɛɣ takɩm taa yɔ. Pɩtasɩ lɛ, hendu ndʋ, tɩsaŋ Yehowa. (Keɣa 27:7) Peseɣti-ɖʋ se ɖɩñaɣ pana nɛ ɖɩkpɛlɩkɩ hendu ndʋ tɩ-taa natʋyʋ nɛ ɖɩsɩm-tʋ ɖa-ñʋʋ taa. Ŋtɛm tɩ-taa natʋyʋ kpɛlɩkʋʋ na? Ðɩpɩzɩɣ nɛ ɖɩkpaɣ hɔʋ taa Ɛsɔ sɛtʋ alɩwaatʋ nɛ ɖɩkpɛlɩkɩnɩ hendu natʋyʋ nɛ tɩcaɣ ɖa-ñʋʋ taa.

CƆNƖ VIDEO PIYA TEƔ HENDU NƐ SƖSAŊ YEHOWA NƐ ŊCOSI TƆM TƲNƐ TƖ-YƆƆ:

• Ðoŋ kɩbaŋ weyi Kewiyaɣ hendu teu pɩzɩɣ pɩwɛɛnɩ ɖɔ-yɔɔ?

• Ɛzɩma videowaa labʋ tʋmɩyɛ lakɩ nɛ pakpakɩɣ hendu tatasɩ yɔɔ?

• Ɛzɩma piya nɛ sɩ-lʋlɩyaa pɔñɔɔzʋʋ pa-tɩ pʋcɔ nɛ pakpakɩɣ piya nɔsɩ tatasɩ yɔɔ?

• Kewiyaɣ hendu ndʋ ŋkɩlɩ sɔɔlʋʋ?