Ŋwɛnɩ kpaɣnɩ pɩnzɩ 23 nɛ piwolo 65 nɛ ŋkɛ nʋmɔʋ lɩzɩyʋ na? Ŋwɛnɩ tomnaɣ taa kpeetaɣ nɛ ŋpɩzɩɣ nɛ ŋwolo nɛ ŋɖʋ nesi ɖenɖe tɔm susuyaa tɩɖɔɔ yɔ? Ye mbʋ, wiɖiyi ŋtɛm maɣzʋʋ Kewiyaɣ tɔm susuyaa sukuli yɔɔ? Kpaɣnɩ alɩwaatʋ ndʋ papaɣzɩ sukuli ŋgʋ yɔ, nesi ɖɔkɩyaa nɛ aɖamɛɛ sakɩyɛ tɛm-kʋ labʋ. Paa mbʋ yɔ, pɩpɔzʋʋ-ɖʋ koobiya abalaa aɖamɛɛ sakɩyɛ se palabɩ-kʋ. Pɔzɩ Yehowa se ɛsɩnɩ-ŋ nɛ ŋmaɣzɩnɩ ɛ-Pɩyalʋ nɛ ŋsɔɔlɩ se ŋlabɩ-kʋ. (Keɣa 39:9; Mt 20:28; Ebr 10:7) Pʋwayɩ lɛ, ŋmaɣzɩ nɛ ŋna se ŋpɩzɩɣ nɛ ŋpasɩ ña-sʋʋtʋ natʋyʋ yɔɔ nɛ pɩsa nɛ ŋlabɩ-kʋ?

Mba pafalɩsɩɣ-wɛ sukuli ŋgʋ kɩ-taa yɔ, wala wena papɩzɩɣ nɛ pɛwɛɛna nɛ lona wena taa papɩzɩɣ nɛ pala tʋmɩyɛ? Pa-taa nabɛyɛ ɖʋʋ nesi lona wena a-taa pɔyɔɔdʋʋ kʋnʋmɩŋ lɛɛŋ yɔ yaa paɖʋʋ nesi tɛtʋ sɔsɔtʋ samaɣ taa ŋgee tɔm susuu. Lalaa pɩsɩɣ egeetiye yɔɔ cɔnɩyaa sɩnɩyaa, egeetiye yɔɔ cɔnɩyaa yaa Ɛsɔtɔm tiyiyaa. Ye ŋwɛɛ nɛ ŋmaɣzɩɣ mbʋ ŋpɩzɩɣ nɛ ŋla Yehowa tʋmɩyɛ taa yɔ pɩ-yɔɔ yɔ, pɩwɛɣ ɖeu se ŋmaɣzɩnɩ nayʋ Izaayii. Ɛyɔɔdaa se: “Ma yɔ, tiyi-m.”—Iza 6:8.

CƆNƖ VIDEO ƐSƆTƆM TIYIYAA LAKƖ TƲMƖYƐ KƖBANÐƐ HAYƖM TAA NƐ PƲWAYƖ LƐ, ŊCOSI TƆM TƲNƐ TƖ-YƆƆ:

• Ɛzɩma palɩzɩɣ Ɛsɔtɔm tiyiyaa?

• Tʋmɩyɛ kɩbanɖɛ nɖɩ Ɛsɔtɔm tiyiyaa lakɩ?

• Wazasɩ nzɩ Ɛsɔtɔm tiyiyaa hikiɣ yɔ, sɩ-taa nasɩyɩ lɛ nzɩ?