Lidaʋ wɛ ɛzɩ wonuu ŋgʋ kɩsɩɣnɩ kpɩyʋʋ se kɩsɩŋ lɩm yɔɔ nɛ kɩtaasʋʋ lɩm tɛɛ yɔ. (Ebr 6:19) Lidaʋ sɩɣnɩ-ɖʋ se ɖe-tisuu ɛtaaɖʋ lɩm. (1Tim 1:18, 19) Mbʋ pɩpɩzɩɣ piyele nɛ ɖe-tisuu ɖʋ lɩm yɔ pɩ-taa nabʋyʋ lɛ ɖɛ-ɛjandʋ, tomnaɣ yɔɔ ñɩm lesuu, kʋdɔŋ sɔsɔʋ nakʋyʋ, ɖɛ-ɛyʋ kʋsɔɔlʋ nɔɔyʋ sɩm yaa mbʋ payɩ pɩpɩzɩɣ pɩtakɩ ɖe-siɣsiɣ wɛtʋ yɔ.

Tisuu nɛ lidaʋ pasɩɣnɩ-ɖʋ se ɖa-lɩmaɣza ɩwɛɛ cee wayɩ kɩhɛyʋʋ yɔɔ. (2Kɔr 4:16-18; Ebr 11:13, 26, 27) Pʋyɔɔ lɛ, paa ɖɩwɛnɩ lidaʋ se ɖɩkaɣ wezuu caɣʋ ɛsɔdaa yaa tataa kɔyɔ, pɩwɛɛ se ɖɩmaɣzɩɣ tamaɣ ŋga Ɛsɔ labɩ-ɖʋ Bibl taa yɔ kɔ-yɔɔ ɖoŋ ɖoŋ. Piyeki nɛ alɩwaatʋ ndʋ ɖɩkatɩɣ takɩm yɔ, ɖiilesiɣ taa leleŋ.—1Pɩy 1:6, 7.

CƆNƖ VIDEO NƖƖ LELEŊ LIDAƲ YƆƆ NƐ ŊCOSI TƆM TƲNƐ TƖ-YƆƆ:

• Ɛbɛ yɔɔ Moyizi kɛnɩ-ɖʋ kɩɖaʋ kɩbaŋʋ?

• Sʋʋtʋ ndʋ wɛ hɔŋ ñʋndɩnaa yɔɔ?

• Ɩɩlakɩ hɔʋ taa kpɛlɩkʋʋ lɛ, tɔm ndʋ taa ɩpɩzɩɣ nɛ ɩtazɩ?

• Ɛzɩma tɩyɛ lidaʋ pɩzɩɣ kɩsɩnɩ-ŋ nɛ ŋlʋbɩnɩ takɩm?

• Ɛbɛ ŋɖaŋ kpam se pɩkɔɔ lɔŋ?