CAƔ WEZUU ƐZƖ KRƖSTƲ TƲ YƆ
Ðɩwɛɛ niye tɔm susuu taa nɛ pɩkɩlɩ: Pɔzɩ tɔm camɩyɛ
ƐBƐ YƆƆ PƖCƐYAA?: Ye ɛyʋ laŋɩyɛ taa lɩmaɣza ɛwɛ “ɛzɩ lɩm cukaŋ mbʋ yɔ,” pʋbʋ lɛ tɔm pɔzʋʋ wɛ ɛzɩ tɔkaɣ ŋga poluuni lɩm mbʋ yɔ. (Adu 20:5) Tɔm pɔzʋʋ yeki se tɔm welisiyaa ɩyɔɔdɩ yaa pamaɣzɩ ɖɔɖɔ. Ye ɖɩpɔzɩ tɔm camɩyɛ nɛ pocosi tɩ-yɔɔ yɔ, piyeki nɛ ɖɩtɩlɩ lɩmaɣza wena amɛlɩ ɛyaa laŋa taa yɔ. Yesu pɔzaɣ tɔm camɩyɛ. Ɛzɩma ɖɩpɩzɩɣ nɛ ɖɩmaɣzɩnɩ-ɩ?
ƐZƖMA PƖWƐƐ SE ÐƖLA?:
-
Pɔzɩ tɔm nɛ ŋtɩlɩ ɛyaa lɩmaɣza. Yesu kaapɔzɩ tɔm ndɩ ndɩ se ɛtɩlɩ ɛ-tɔmkpɛlɩkɩyaa lɩmaɣza. (Mat 16:13-16; be-F 238 § 3-5) Tɔm ndʋ ŋpɩzɩɣ nɛ ŋpɔzɩ nɛ ŋtɩlɩ ɛyaa lɩmaɣza?
-
Pɔzɩ tɔm nɛ pɩsɩnɩ ɛyaa nɛ panɩɩ tɔm taa. Yesu pɔzɩ Pɩyɛɛrɩ tɔm se pɩsɩnɩ ɛlɛ nɛ ɛñɔɔzɩ ɛ-lɩmaɣza. Pʋyɔɔ Yesu pɔzɩ Pɩyɛɛrɩ tɔm lɛ, ɛha-ɩ tɔm cosuu ndɩ ndɩ se Pɩyɛɛrɩ maɣmaɣ ɛlɩzɩnɩ mbʋ pɩkɛ kɩbambʋ yɔ. (Mat 17:24-26) Tɔm ndʋ ŋpɩzɩɣ ŋpɔzɩ nɛ pɩsɩnɩ ɛyaa nɛ panɩɩ tɔm taa?
-
Sa ñɔ-tɔm welisiyaa. Takayaɣ taa mayʋ nɔɔyʋ ‘cosi tɔm ɖeu’ lɛ, Yesu samɩ-ɩ pɩ-yɔɔ. (Mark 12:34) Ye ŋpɔzɩ tɔm nɛ nɔɔyʋ cosi yɔ, ɛzɩma ŋpɩzɩɣ nɛ ŋsamɩ-ɩ?
ŊCƆŊNƖ ƖLA TƲMA WENA YESU LAKAƔ YƆ—WƖLƖ TƆM TƐ KAJALAƔ TƐ VIDEO NƐ PƖTƐ LƐ, ŊCOSI TƆM PƆZƲƲ MBƲ PƖKƆŊ YƆ PƖ-YƆƆ:
-
Tɔm ndʋ video taa koobu ɛnɛ ɛyɔɔdaɣ yɔ tɩkɛ toovenim; ɛlɛ ɛbɛ yɔɔ pɔtɔŋ se ɛtɩwɩlɩ tɔm camɩyɛ?
-
Ye ɖɩlɩzɩɣ tɔm taa camɩyɛ yɔ, ɛbɛ yɔɔ pi-yeke pɩtɩmaɣ?
ŊCƆŊNƖ ƖLA TƲMA WENA YESU LAKAƔ YƆ—WƖLƖ TƆM TƐ VIDEO KƖLƐLƲƲ NƐ PƖTƐ LƐ, ŊCOSI TƆM PƆZƲƲ MBƲ PƖKƆŊ YƆ PƖ-YƆƆ:
-
Ɛzɩma video taa koobu ɛnɛ ɛpɔzɩ tɔm camɩyɛ?
-
Ɛ-tɔm wɩlʋʋ hɔɔlɩŋ lɛɛŋ weyi ŋpɩzɩɣ nɛ ŋmaɣzɩna?