Ðuutu ndʋ nesi ɖɔkɩyaa ɖuki yɔ, tɩcɛyɩ Yehowa ɛsɩndaa. Ɛyɔɔdaa se pɩwɛɛ se abalʋ nɛ ɛ-halʋ pɔñɔɔnɩ ɖama. (Mt 19:5, 6) Nesi ɖɔkɩyaa sakɩyɛ wɛ Ɛsɔ samaɣ taa nɛ pahaɣ kɩɖaŋ kɩbaŋ. Paa mbʋ yɔ, nesi ɖɔkɩyaa tɩtalɩ pilim nɛ tɔm pɩzɩɣ nɛ tɩkɔɔ pɛ-hɛkʋ taa. Ɛyaa sakɩyɛ maɣzɩɣ se ye tɔm ɛkɔma yɔ, pɩkɩlɩɣ ɖeu se nesi ɖɔkɩyaa ɩya ɖama yaa pɛcɛ pe-nesi ɖɔkʋʋ. Ɛlɛ pɩfɛyɩ se ɖɩwɛɛnɩ lɩmaɣza ana. Ɛbɛ nesi ɖɔkɩyaa pɩzɩɣ pala nɛ pakandɩyɩ pe-nesi ɖɔkʋʋ yɔɔ?

Iyele nɛ ɖɩna nɩŋgbanzɩ kagbanzɩ nzɩ sɩpɩzɩɣ nɛ sɩnɩnɩ-wɛ yɔ.

1. Kandɩyɩ ña-laŋɩyɛ yɔɔ. Pɩsa nɛ ŋla mbʋ lɛ, pɩwɛɛ se ŋse mbʋ pɩcamɩɣ nesi ɖɔkʋʋ yɔ; ɛzɩ cɛbɛlʋʋ nɛ aleɣya wena a-taa nɛ kʋzʋʋ kɩdɛkɛdʋʋ lakasɩ yɔ.—Mt 5:28; 2Pɩ 2:14.

2. Cɛyɩsɩ ña nɛ Ɛsɔ mɩ-taabalɩyɛ nɛ ŋɖʋ ña-taa se ŋlakɩ mbʋ payɩ ŋpɩzɩɣ yɔ nɛ ñɔ-tɔm kɛdɩnɩ-ɩ ñe-nesi ɖɔkʋʋ taa yɔ.—Keɣa 96:10.

3. Wolo pɩ-yɔɔ nɛ ŋsuu ɛyʋtʋ kɩfatʋ nɛ ŋlakɩ camɩyɛ lakasɩ nzɩ siyeki nɛ ñɛ-tɛŋga nɩɩ leleŋ ke-wezuu caɣʋ taa nɛ pɩkɩlɩ yɔ.—Kol 3:8-10, 12-14.

4. Ɩyɔɔdʋʋnɩ ɖama nɛ ñamtʋ nɛ sɔɔlɩm.—Kol 4:6.

5. Cɛlɩ ñɛ-tɛŋga mbʋ pɩmʋnaa se ŋcɛlɩ-ɩ yɔ nɛ sɔɔlɩm.—1Kɔ 7:3, 4; 10:24.

Ye Krɩstʋ mba ɩɖʋʋ hɩɖɛ nesi ɖɔkʋʋ yɔ, paɖʋʋ hɩɖɛ ɖɔɖɔ Yehowa, weyi ɛlabɩ nesi ɖɔkʋʋ ɖʋtʋ yɔ.

CƆNƖ VIDEO PƖWƐƐ SE ÐISE SEYA NƐ TƖ ÐƆKƲƲ—ÑA SEYA PAƔTƲ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Paa nesi ɖɔkɩyaa ɩnɩɣ leleŋ camɩyɛ kiɖe tɛɛ yɔ, kala wena papɩzɩɣ nɛ pakatɩ pʋwayɩ?

• Ɛzɩma Bibl paɣtʋ kila pɩzɩɣ nɛ asɩnɩ mba pamaɣzɩɣ se pɛfɛyɩ koboyaɣ taa pe-nesi ɖɔkʋʋ taa yɔ?

• Paɣtʋ ndʋ Yehowa ɖʋ nesi ɖɔkʋʋ yɔɔ?

• Pʋcɔ nɛ nesi ɖɔkɩyaa nabɛyɛ wɛɛ koboyaɣ taa lɛ, ɛbɛ pɩpɔzʋʋ se pa-naalɛ pala?