Ðɩwɛ ɛjaɖɛ nɖɩ ɖɩ-taa ɛyaa ɩɩsɩŋ tʋkaɣ ŋga kɛwɛ kɩbam nɛ kɩdɛkɛdɩm pɛ-hɛkʋ taa yɔ. (Iza 5:20) Pɩlabɩ pʋtɔdɩyɛ se ɛyaa nabɛyɛ lakɩ mbʋ Yehowa paɖɩɣ yɔ. Abalaa nɛ abalaa yaa halaa nɛ halaa pasʋʋnɩ ɖama. Ðe-piya sukuli taa taabalaa yaa ɛyaa lalaa pɩzɩɣ nɛ potuyi-si nɛ sɩla mbʋ pɩtɩtʋʋzɩ yɔ. Ɛzɩma ŋpɩzɩɣ nɛ ŋsɩnɩ ñe-piya nɛ sɩpɩzɩ nɛ sɩɖɔkɩ kpam takɩm mbʋ sɩkaɣ katʋʋ yɔ pɩ-taa?

Sɩnɩ ñe-piya nɛ sɩtɩlɩ Yehowa paɣtʋ. (Lev 18:3) Sɩnɩ-sɩ pazɩ pazɩ nɛ sɩtɩlɩ tɔm ndʋ Bibl yɔɔdʋʋ kʋzʋʋ yɔɔ yɔ. Ɛlɛ pɩwɛɛ se tɔm ndʋ ŋwɩlɩɣ-sɩ yɔ, tɩmʋnɩ sɩ-pɩnzɩ. (Wp 6:7) Pɔzɩ ña-tɩ se: ‘Mawɩlɩ men-piya ɛzɩma pɩmʋnaa se sɩwɩlɩ sɔɔlɩm lalaa yɔ, ɛzɩma pɩwɛɛ se sisuu wondu nɛ pɩmʋna yɔ nɛ mbʋ pɩ-yɔɔ pɩcɛyaa se lalaa ɩtaana yaa pataatukini po-tomnaɣ hɔɔlɩŋ nɩɩyɩ yɔ? Men-piya sɩma mbʋ pɩwɛɛ se sɩla ye nɔɔyʋ ɛñɩnɩɣ se ɛwɩlɩ-sɩ kʋzʋʋ kɩlɛmɩŋ yaa ɛñɩnɩɣ se etuyi-sɩ nɛ sɩla mbʋ Yehowa paɖɩɣ yɔ?’ Ye ñe-piya ɩsɩm Yehowa paɣtʋ yɔ, pɩkandɩyɩɣ sɩ-yɔɔ. (Adu 27:12; Ekl 7:12) Ñe-piya kɛnɩ ñɩm mbʋ Yehowa ha-ŋ yɔ. Ye ŋfalɩsɩɣ-sɩ yɔ, ŋwɩlɩɣ se ñɩm mbʋ pɩmʋ ñɩm ñɛ-ɛsɩndaa.—Keɣa 126:3.

CƆNƖ VIDEO MA ÑA-ÐƖƔA NƐ KASƖŊ CƖŊGƖLƖM—ÐAŊ ÑE-PIYA YƆƆ NƐ ’KƖDƐKƐDƖM’ NABƲYƲ ƐTAATALƖ-SƖ  NƐ PƲWAYƖ LƐ, ŊCOSI TƆM TƲNƐ TƖ-YƆƆ:

• Ɛbɛ yɔɔ pɩwɛ nabɛyɛ kaɖɛ se pawɩlɩ pe-piya kʋzʋʋ tɔm?

• Ɛzɩma pɩwɛɛ se lʋlɩyaa ɩfalɩsɩ pe-piya “lɔŋ sɩɣzʋʋ nɛ paɣʋ mbʋ pɩlɩnɩ Yehowa cɔlɔ yɔ pɩ-taa”?—Efɛ 6:4.

• Ɛbɛ Yehowa ɛgbɛyɛ lɩzaa se pɩsɩnɩ lʋlɩyaa nɛ pawɩlɩ pe-piya kʋzʋʋ tɔm?​—w19.05 12, aɖakaɣ

• Ɛbɛ yɔɔ pɩwɛɛ se ŋyɔɔdʋʋnɩ ñe-piya ɖoŋ ɖoŋ pʋcɔ nɛ sɩkatɩ kala?