Paa pɩnaɣ ŋga, Yehowa samaɣ ɖaŋɩɣ Yesu sɩm yɔɔ tɔzʋʋ sɔnzɩ alɩwaatʋ kpam. Kpɩtaŋ weyi ɩɖɛɣ nɛ pʋcɔ nɛ pala sɔnzɩ nzɩ nɛ kpɩtaŋ weyi ɩtɩŋɩɣ sɩ-wayɩ yɔ ɩ-taa, ɖɩlakɩ ŋgee ɖʋtʋ natʋyʋ nɛ ɖɩsaŋ Yehowa nɛ ɖɩsɛɣ-ɩ ɖɔɖɔ Yesu kɩlaʋ yɔɔ. (Efɛ 1:3, 7) Kɩɖaŋ nɩɩyɩ yɔ: Ðɩñakɩ pana siŋŋ se ɖɩyaa ɛyaa nɛ pɔkɔɔ Yesu sɩm yɔɔ tɔzʋʋ sɔnzɩ ɖɩlaɖɛ. Nabɛyɛ lakɩ lɛɣzɩtʋ se pɩsa nɛ pala nʋmɔʋ lɩzɩyʋ sɩnɩyʋ tʋmɩyɛ mars nɛ avril fenasɩ taa, nɛ paha ñɩɣtʋ 30 yaa 50. Ŋsɔɔlaa se ŋsusi tɔm nɛ pɩkɩlɩ Yesu sɩm yɔɔ tɔzʋʋ sɔnzɩ alɩwaatʋ taa pɩnaɣ kanɛ ka-taa? Ɛbɛ pɩzɩɣ pɩsɩnɩ-ŋ nɛ ŋla mbʋ?

Ye ɖɩlabɩ ɖʋtʋ camɩyɛ lɔŋ yɔ, pɩsɩɣnɩ-ɖʋ nɛ ɖɩpɩzɩ nɛ ɖɩla sakɩyɛ tɔm susuu taa. (Adu 21:5) Lɛɛlɛɛyɔ pɩwɛɛ se ɖɩpaɣzɩ labʋ ɖʋtʋ mbʋ pʋyɔɔ yɔ Krɩstʋ sɩm yɔɔ tɔzʋʋ sɔnzɩ ɖiɣni ñɔtʋʋ. Maɣzɩ mbʋ ŋsɔɔlaa se ŋla nɛ ŋpɩzɩ nɛ ŋsusi tɔm nɛ pɩkɩlɩ Krɩstʋ sɩm yɔɔ tɔzʋʋ sɔnzɩ alɩwaatʋ taa yɔ pɩ-yɔɔ. Maɣzɩ ɖɔɖɔ mbʋ pɩpɩzɩɣ nɛ pɩsɩnɩ-ŋ nɛ ŋtalɩ ña-kaɖʋwa yɔ pɩ-yɔɔ. Pʋwayɩ lɛ, ŋtɩmnɩ Yehowa se ɛwazɩ pana wena ŋkaɣ ñaɣʋ yɔ a-yɔɔ.—1Yo 5:14, 15.

Ŋpɩzɩɣ nɛ ŋmaɣzɩ nʋmɔŋ weyi ɩ-yɔɔ ŋpɩzɩɣ ŋtɩŋna nɛ ŋla sakɩyɛ tɔm susuu taa Krɩstʋ sɩm yɔɔ tɔzʋʋ sɔnzɩ alɩwaatʋ taa yɔ ɩ-taa nɩɩyɩ yɔɔ?