Ðɩsɔɔlaa se mbʋ payɩ ɖɩlakɩ yɔ pɩkɛdɩnɩ Yehowa. (Adu 27:11) Pʋyɔɔ lɛ pɩwɛɛ se ɖɩkpaɣ lɩmaɣza wena alakɩ nɔɔ kʋɖʋmaɣ nɛ ɛ-lɩmaɣza halɩ pɩkpɛndɩnɩ hɔɔlɩŋ weyi ɩ-taa ɛtɩɖʋ paɣtʋ kpayɩ yɔ. Ɛbɛ pɩzɩɣ pɩsɩnɩ-ɖʋ nɛ ɖɩla mbʋ?

Wɛɛnɩ Bibl kpɛlɩkʋʋ ɖʋtʋ kɩbandʋ nɛ ŋɖɔŋ tɩ-yɔɔ. Alɩwaatʋ ndʋ ɖɩkalɩɣ Bibl yɔ, pɩwɛ ɛzɩ ɖɩkpakʋʋ alɩwaatʋ se ɖa nɛ Yehowa ɖɩyɔɔdɩ yɔ. Ye ɖɩmaɣzɩɣ mbʋ Yehowa lakaɣ ɛ-samaɣ yɔ pɩ-yɔɔ nɛ ɖɩtazɩɣ ɛyaa mba paalabɩ kɩbam nɛ ɛyaa mba paalabɩ kɩdɛkɛdɩm ɛ-ɛsɩndaa yɔ pa-kɩɖaŋ taa yɔ, pɩsɩɣnɩ-ɖʋ nɛ ɖɩtɩlɩ ɛ-nʋmɔŋ nɛ ɛ-lɩmaɣza. Alɩwaatʋ ndʋ pɩpɔzʋʋ se ɖɩkpaɣ lɩmaɣzɩyɛ naɖɩyɛ yɔ, fezuu kiɖeɖeu pɩzɩɣ kɩtɔzɩ-ɖʋ lɔŋ tasʋʋ nabʋyʋ yaa paɣtʋ kiɖe naɖɩyɛ nɖɩ ɖɩɩkpɛlɩkɩ Ɛsɔtɔm taa yɔ ɖɩ-yɔɔ.—Yoh 14:26.

Ñɩnɩ tɔm. Pʋcɔ nɛ ŋkpaɣ lɩmaɣzɩyɛ naɖɩyɛ lɛ pɔzɩ ña-tɩ se: ‘Bibl taa mayaɣ ŋga yaa kɛdaɣ ŋga pɩzɩɣ kasɩnɩ-m nɛ mantɩlɩ ndʋ Yehowa maɣzɩɣ tɩ-yɔɔ yɔ?’ Tɩmɩ nɛ ŋpɔzɩ Yehowa se ɛsɩnɩ-ŋ. Labɩnɩ tʋmɩyɛ ɖɔɖɔ teokrasɩ tɔm ñɩnʋʋ wondu ndʋ tɩwɛ ña-kʋnʋŋ taa yɔ nɛ ŋtɩlɩ Bibl paɣtʋ kila wena ŋpɩzɩɣ nɛ ŋlabɩnɩ tʋmɩyɛ hɔɔlʋʋ ŋgʋ kɩ-taa yɔ nɛ ŋɖɔ a-yɔɔ.—Keɣa 24:4.

CƆNƖ VIDEO PƖWƐƐ SE ÐISE SEYA NƐ TƖ ÐƆKƲƲ—TƆƆ TƆƆNAƔ KƖBAŊA, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Video taa, ɛzɩma pañɩɣ ɖo-koobu halɩbɩɣa ŋga kɔ-yɔɔ?

  Your answer

• Ye pañɩkɩɣ ɖɔ-yɔɔ ɖɔɖɔ mbʋ yɔ, ɛzɩma ɖɩpɩzɩɣ nɛ ɖɩlabɩnɩ tʋmɩyɛ tɔm ñɩnʋʋ wondu nɛ pɩsɩnɩ-ɖʋ?

  Your answer

• Ye ɖɩkpakɩɣ alɩwaatʋ nɛ ɖɩñɩnɩɣ tɔm nɛ ɖɩlakɩ ɖɔɖɔ tɩ-yɔɔ kpɛlɩkʋʋ se pɩsa nɛ ɖɩkpaɣ lɩmaɣza camɩyɛ yɔ, wazasɩ nzɩ ɖɩkaɣ hiɣu?—Ebr 5:13, 14

  Your answer