Pɩpɔzʋʋ se ŋla ɖʋtʋ kɩbandʋ pʋcɔ nɛ ŋpɩzɩ ŋla paa ɖooye nʋmɔʋ lɩzʋʋ tʋmɩyɛ. Ye ŋsusuu tɔm ñɩɣtʋ 18 paa kpɩtaʋ ŋgʋ yɔ, ŋpɩzɩɣ ŋla nʋmɔʋ lɩzʋʋ tʋmɩyɛ nɛ pɩɩmʋʋ-ŋ ña-alɩwaatʋ tɩŋa. Ye ŋlabɩ ɖʋtʋ kɩbandʋ yɔ, ŋpɩzɩɣ nɛ ŋtalɩ ña-kaɖʋwa; paa pɩlaba se mbʋ ŋtɩɖʋna, ɛzɩ kʋdɔŋ yaa tɛʋ nɩ avema naayɛ yɔ. Ðʋtʋ ndʋ pama takayaɣ kanɛ kɔ-yɔɔ yɔ, tɩpɩzɩɣ tɩsɩnɩ-ŋ nɛ ŋla nʋmɔʋ lɩzʋʋ tʋmɩyɛ paa ŋlakɩ tomnaɣ yɔɔ tʋmɩyɛ naɖɩyɛ alɩwaatʋ pazɩ yaa alɩwaatʋ tɩŋa, paa ŋkɛ kʋdɔndʋ yaa akpadɩyʋ yɔ. Ye ɩlabɩ ɖʋtʋ camɩyɛ, nɛ ɩla lɛɣzɩtʋ mɩ-hɔʋ taa yɔ, pʋtɔma nɔɔyʋ pɩzɩɣ nɛ ɛpaɣzɩ nʋmɔʋ lɩzʋʋ septembre taa. Ɩɩlakɩ hɔʋ taa Bibl kpɛlɩkʋʋ lɛ, pɛwɛɣ ɖeu se ɛmaɣzɩ tɔm ndʋ tɩ-yɔɔ.