FALƖSƖ ÑA-TƖ NƐ ŊSUSI TƆM CAMƖYƐ | HIƔ TAA LELEŊ TƆM SUSUU TAA NƐ PƖKƖLƖ
Nɩɩ lalaa siziŋ
Pɩsa nɛ ŋnɩɩ lalaa siziŋ lɛ, pɩwɛɛ se ŋnɩɩ pa-lɩmaɣza taa, ŋmaɣzɩ wɛtʋ ndʋ tɩ-taa pɛwɛɛ yɔ nɛ pa-kɩcɛyɩm yɔɔ. Ye ɖɩnɩɣ lalaa siziŋ yɔ, papɩzɩɣ nɛ peɖiɣzina. Ye ɖɩnɩɣ ɛyaa siziŋ tɔm susuu taa yɔ, ɖɩwɩlɩɣ se ɖɩmaɣzɩɣnɩ Yehowa weyi ɛsɔɔlɩ ɛyaa, ɛmaɣzɩɣ pɔ-yɔɔ nɛ ɛñɩnɩɣ se pɔñɔtɩnɩ-ɩ yɔ.—Fil 2:4.
Lalaa siziŋ nɩʋ tɩkɛ tɔm wɩlʋʋ nʋmɔʋ nakʋyʋ yem, ɛlɛ ɖɩwɩlɩɣ se ɖɩnɩɣ lalaa siziŋ ye ɖiwelisiɣni-wɛ camɩyɛ nɛ ɖɩlakɩ-wɛ kɩbandʋ yɔ. Ðɔ-yɔɔdaɣ, ɖɛ-wɛtʋ, ɛzɩma ɖɩlakɩnɩ ɖo-tomnaɣ pilinzi tʋmɩyɛ nɛ ɖɛ-ɛsɩndaa wɛtʋ wɩlɩɣna ɖɔɖɔ se ɖɩnɩɣ lalaa siziŋ. Ðɩwɩlɩɣ se ɖɩnɩɣ nɔɔyʋ siziŋ ye ɖɩmaɣzɩɣ ɛ-yɔɔ siŋŋ yɔ. Ðɩmaɣzɩɣ ɛ-kɩcɛyɩm, e-tisuu nɛ wɛtʋ ndʋ tɩ-taa ɛwɛɛ yɔ tɩ-yɔɔ. Ðɩwɩlɩɣ-ɩ tɔm ndʋ pɩpɔzʋʋ-ɩ yɔ nɛ ɖɩsɩɣnɩ-ɩ ɖɔɖɔ ɛzɩ pɩpɔzʋʋ yɔ, ɛlɛ ɖɩɩñɩkɩɣ ɛ-yɔɔ. Ɛyaa mba ɖisusuu-wɛ tɔm yɔ, ye petisaa se ɖɩsɩnɩ-wɛ yɔ, pɩhaɣ-ɖʋ taa leleŋ nɛ pɩkɩlɩ.
CƆNƖ VIDEO ÑAƔ PANA NƐ ŊWƐƐ NIYE KPƐLƖKƖYAA LABƲ TƲMƖYƐ TAA NƐ PƖHA-Ŋ TAA LELEŊ —NƖƖ LALAA SIZIŊ, NƐ PƲWAYƖ LƐ ŊCOSI TƆM TƲNƐ TƖ-YƆƆ:
-
Ɛzɩma Neeta wɩlaa se ɛnɩɣ Rose siziŋ alɩwaatʋ ndʋ ɛlɛ caɣ wayɩ yɔ?
-
Ɛzɩma Neeta wɩlaa se ɛnɩɣ Rose siziŋ alɩwaatʋ ndʋ ɛlɛ heyi-i se ɛɛpɩzɩɣ nɛ ɛkpɛlɩkɩ, mbʋ pʋyɔɔ yɔ ɛwɛ nɩɣzɛ taa yɔ?
-
Ye ɖɩnɩɣ ɛyaa siziŋ yɔ, pɩsɩɣnɩ-wɛ nɛ pɔñɔtɩnɩ Yehowa
Ɛzɩma Neeta wɩlaa se ɛnɩɣ Rose siziŋ alɩwaatʋ ndʋ ɛlɛ heyi-i se ɛnʋ sidiɣ wondu yem yem ɖaŋ tɛɛ yɔ?
