Masɩ heyiɣ-ɖʋ se ɖɩkpaɣ Krɩstʋ ñɩma mba pasʋtʋyaa yɔ ɛzɩ ɖo-ɖoonaa nɛ ɖa-caanaa, nɛ piya evelisi ɛzɩ ɖɔ-kɔɔnaa, ɖa-ɖalaa yaa ɖe-newaa yɔ. (Kalɩ 1 Timootee 5:1, 2.) Kɔzɩ kɔzɩ lɛ, pɩwɛɛ se koobiya abalɩñɩma ɩwɛɛnɩ ñamtʋ koobiya halɩñɩma yɔɔ nɛ paɖʋ-wɛ hɩɖɛ.

Pɩtɩpɔzɩ kpa se koobu abalɩñɩnʋ nɔɔyʋ ɛcɛbɛlɩɣnɩ koobu halɩñɩnʋ nɔɔyʋ yaa ɛla nabʋyʋ nɛ pɩcɛyɩ-ɩ. (Yɔɔb 31:1) Ye koobu abalɩñɩnʋ nɔɔyʋ ɛtɩsɔɔlɩ se ɛɖanɩ koobu halɩñɩnʋ nɔɔyʋ nɛ ɛkpaɣ-ɩ pʋwayɩ yɔ, pɩtɩpɔzɩ se ɛwɛɛnɩ lakasɩ nzɩ sɩpɩzɩɣ nɛ siyele nɛ ɛlɛ maɣzɩ se ɛcaɣ se ɛɖanɩ-ɩ yɔ.

Pɩwɛɛ se ɛzʋtʋyaa ɩɖʋ hɩɖɛ koobiya halɩñɩma alɩwaatʋ ndʋ paba kaapɔzʋʋ-wɛ tɔm natʋyʋ yaa pɔhɔŋ pa-lɩmaɣza se powoni wɛtʋ natʋyʋ ndʋ pɩpɔzʋʋ se pɔñɔɔzɩ yɔ, tɩ-yɔɔ yɔ. Kɔzɩ kɔzɩ lɛ, pɩwɛɛ se ɛzʋtʋyaa ɩcɔnɩ koobiya halɩñɩma mba pɛfɛyɩnɩ walaa se pakandɩyɩ pɔ-yɔɔ yɔ pe-ɖeɖe camɩyɛ.—Ruti 2:8, 9.

CƆNƖ VIDEO WƖLƖ SƆƆLƖM SIŊŊ ƐGBƐYƐ TAA—LELAA NƐ SULUWAA, PƲWAYƖ LƐ ŊCOSI TƆM TƲNƐ TƖ-YƆƆ:

• Ɛzɩma ɛgbɛyɛ taa ñɩma wɩlɩ sɔɔlɩm siŋŋ koobu halɩñɩnʋ Myint?

• Sɔɔlɩm mbʋ ɛgbɛyɛ taa ñɩma wɩlɩ-ɩ yɔ, ɛzɩma pɩlɩzɩ aseɣɖe pɛ-tɛtʋ cikpetu taa?

• Sɔɔlɩm mbʋ ɛgbɛyɛ taa ñɩma wɩlɩ koobu halɩñɩnʋ Myint yɔ, ɖoŋ weyi pɩɩwɛnɩ ɛ-pɛlaa yɔɔ?

Ɛbɛ ɖeyi ɖeyi ŋpɩzɩɣ ŋla nɛ ŋwɩlɩ se ŋsɔɔlɩ koobiya halɩñɩma mba pɛwɛ ñɛ-ɛgbɛyɛ taa yɔ?