Lɩmaɣza sakɩyɛ wɛ hɔɔlʋʋ ŋgʋ payaɣ se kɛdɛsɩ labʋ yɔ kɩ-taa; nɛ tɔm susuyaa sakɩyɛ ɖiɣzinaa se lɩmaɣza ana awazɩɣ-wɛ siŋŋ tɔm susuu taa. Ɛlɛ wɛtʋ ndʋ tɩwɛ ɛjaɖɛ hɔɔlʋʋ nakʋyʋ taa yɔ, tɩpɩzɩɣ nɛ tɩwɛɛ ndɩ nɛ ndʋ tɩwɛ ɛjaɖɛ hɔɔlʋʋ lɛɛkʋ taa yɔ, pʋyɔɔ lɛ tɔm susuyaa pɩzɩɣ nɛ patɩŋnɩ tɔm ndɩ ndɩ yɔɔ yaa palabɩnɩ tʋmɩyɛ tɔm ñʋŋ weyi ɩkɛdɩɣnɩ pe-egeetiye taa ɛyaa yɔ pɔ-tɔm susuu taa. Paa mbʋ yɔ, pɩwɛɛ se paa weyi ɛlabɩnɩ tʋmɩyɛ lɔŋ weyi ɛgbɛyɛ tasɩɣ alɩwaatʋ ndʋ ɖɩlakɩ ŋgee tɔm susuu yɔ. Ða-kaɖʋwa lɛ se ɖɩɖɔ paɣtʋ ndʋ Yesu ɖʋwa se posusi Kewiyaɣ tɔm kɩbandʋ yɔ tɩ-yɔɔ.—Mat 24:14.

Alɩwaatʋ ndʋ tɔm susuyaa lakɩ sukulibiya tʋma yɔ, pɩpɔzʋʋ se palabɩnɩ tʋmɩyɛ lɩmaɣza wena awɛ Ðe-wezuu caɣʋ nɛ ɖɛ-Ɛsɔ sɛtʋ tʋmɩyɛ kpɛlɩkʋʋ takayaɣ hɔɔlʋʋ ŋgʋ payaɣ se Kɛdɛsɩ labʋ yɔ kɩ-taa yɔ. Ɛlɛ ye patɩla yʋsaɣ nakɛyɛ yɔ, papɩzɩɣ nɛ palabɩnɩ tʋmɩyɛ tɔm pɔzʋʋ lɛɛbʋ, masɩ lɛɛsɩ yaa lien lɛɛkʋ ŋgʋ kɩpɩzɩɣ nɛ kitukuni mi-egeetiye taa ɛyaa yɔ. Tɔm tʋnɛ tɩlɛɣzɩɣ tɔm ndʋ tɩɩwɛ Juin 2020 kpɛlɩkʋʋ takayaɣ hayʋʋ 8 yɔɔ yɔ.