Ye ɖɩɖʋ ɖa-tɩ fezuu taa kaɖʋsɩ yɔ, pɩsɩɣnɩ-ɖʋ nɛ ɖɩlabɩnɩ ɖo-ɖoŋ tʋmɩyɛ camɩyɛ. (1Kɔ 9:26) Kaɖʋsɩ sɩɣnɩ-ɖʋ se ɖɩlabɩnɩ tʋmɩyɛ camɩyɛ alɩwaatʋ ndʋ tɩkazaa pʋcɔ nɛ ɛjaɖɛ ɖɩnɛ ɖɩtɛ yɔ. (Efɛ 5: 15, 16) Ɩɩlakɩ hɔʋ taa Ɛsɔ sɛtʋ lɛ, pɩɩwɛɣ ɖeu se ɩɖʋ mɩ-tɩ kaɖʋsɩ pɩlɩɩnɩ teokrasɩ pɩnaɣ kɩfalaɣ yɔɔ? Pɩsa nɛ pɩsɩnɩ-ŋ lɛ, tɔm ñʋŋ nɩɩyɩ wɛ kpɛlɩkʋʋ takayaɣ kanɛ ka-taa nɛ ɩyɔɔdʋʋ kaɖʋsɩ ndɩ ndɩ nzɩ sɩ-yɔɔ ŋpɩzɩɣ nɛ ŋmaɣzɩ adɩma taa yɔ sɩ-tɔm.—Yak 1:5.

Kɩɖaʋ nakʋyʋ yɔ: Ɛzɩ hɔʋ kpeekpe pɩzɩɣ nɛ kɩɖʋ nesi nɛ hɔʋ taa ɛyʋ kʋɖʋm pɩsɩ paa ɖooye nʋmɔʋ lɩzɩyʋ na? Ye ŋmaɣzɩɣ se ŋŋkaɣ pɩzʋʋ nɛ ŋtalɩ paa ɖooye nʋmɔʋ lɩzɩyaa kaɖʋwa yɔ, ŋpɩzɩɣ nɛ ŋyɔɔdɩnɩ nʋmɔʋ lɩzɩyaa nabɛyɛ mba pɛ-wɛtʋ nɩɣzɩnɩ ña-ñɩndʋ yɔ. (Adu 15:22) Pɩtɩla ɩpɩzɩɣ nɛ ɩpɔzɩ tɔm nʋmɔʋ lɩzɩyʋ nɔɔyʋ alɩwaatʋ ndʋ ɩɩlakɩ hɔʋ taa Ɛsɔ sɛtʋ yɔ. Pʋwayɩ lɛ, ŋpɩzɩɣ nɛ ŋla ɖʋtʋ nɛ ŋma-tʋ takayaɣ nakɛyɛ yɔɔ nɛ ŋsɩɩ. Ye ŋŋtɛm labʋ nʋmɔʋ lɩzɩyʋ tʋmɩyɛ nɛ pɩɖɛɛ yɔ, maɣzɩ nɛ ŋna se wɛtʋ ndʋ tɩ-taa ŋwɛ lɛɛlɛɛyɔ, tɩhaɣ-ŋ nʋmɔʋ se ŋɖaɣnɩ labʋ tʋmɩyɛ nɖɩ na?

Mɩ-hɔʋ taa mba nabɛyɛ pɩzɩɣ nɛ pala nʋmɔʋ lɩzɩyʋ sɩnɩyʋ tʋmɩyɛ fenaɣ kʋɖʋmaɣ yaa fenasɩ sakɩyɛ na? Ye ŋfɛyɩnɩ tomnaɣ yɔɔ ɖoŋ sakɩyɛ yɔ, ŋpɩzɩɣ nɛ ŋsusuu tɔm alɩwaatʋ pazɩ paa evemiye nɖɩ nɛ pɩsɩnɩ-ŋ nɛ ŋla nʋmɔʋ lɩzɩyʋ sɩnɩyʋ tʋmɩyɛ. Ye ŋŋpɩzɩɣ se ŋlɩɩ tɔm susuu kpɩtaʋ hɛkʋ taa kɩyakɩŋ yɔɔ mbʋ pʋyɔɔ yɔ ŋlakɩ tʋmɩyɛ nɖɩ ɖɩmʋʋ-ŋ alɩwaatʋ sakɩyɛ yaa ŋkɛ sukulibɩɣa yɔ, pɩtɩla ŋpɩzɩɣ nɛ ŋlɩzɩ se ŋlakɩ nʋmɔʋ lɩzɩyʋ sɩnɩyʋ tʋmɩyɛ fenasɩ nzɩ sɩ-taa kazandʋ kɩyakɩŋ yaa fenasɩ nzɩ sɩ-taa kpɩtaʋ kɛdɛzaɣ kɩyakɩŋ yaa weekend waa kagbanzɩ wɛɛ yɔ. Ɩkpaɣ alɩwaatʋ natʋyʋ mɩ-hɔʋ taa nɛ ɩɖʋ mɩ-tɩ kaɖʋsɩ pɩlɩɩnɩ teokrasɩ pɩnaɣ kɩfalaɣ yɔɔ. Ɩyʋsɩ pɩnaɣ takayaɣ nakɛyɛ yɔɔ fenasɩ nzɩ ɩsɔɔlaa se ɩla nʋmɔʋ lɩzɩyʋ sɩnɩyʋ tʋmɩyɛ yɔ nɛ ɩma ɖʋtʋ ndʋ ɩlaba yɔ takayaɣ nakɛyɛ yɔɔ.—Adu 21:5.

CƆNƖ VIDEO ƖWƐƐ ABALƖTƲ . . . NƲMƆƲ LƖZƖYAA NƐ PƲWAYƖ LƐ, ŊCOSI TƆM TƲNƐ TƖ-YƆƆ:

• Ɛbɛ koobu Aamand kɩɖaʋ kpɛlɩkɩɣ-ɖʋ pɩlɩɩnɩ ɛzɩma Yehowa cɔŋnɩ mba palaɣ kɩlaŋ nɛ palakɩ nʋmɔʋ lɩzʋʋ tʋmɩyɛ yɔ pɩ-yɔɔ yɔ?