CAƔ WEZUU ƐZƖ KRƖSTƲ TƲ YƆ
Maɣzɩnɩ Yehowa sɔɔlɩm siɣsiɣ ñɩmbʋ
Yehowa ha-ɖʋ kɩɖaʋ kɩbaŋʋ siŋŋ sɔɔlɩm siɣsiɣ ñɩmbʋ hɔɔlʋʋ taa. (Ke 103:11) Pɩtɩkɛ alɩwaatʋ natʋyʋ ɖeke ɛwɩlɩɣ ɛ-sɔɔlɩm, ɛ-sɔɔlɩm ɛɛsɩɣ tɩnaɣ. Sɔɔlɩm siɣsiɣ ñɩmbʋ kɛ sɔɔlɩm mbʋ pɩwɛ cukaŋ nɛ pɩwɛɣ tam yɔ. Yehowa kaatɩŋnɩ nʋmɔŋ ndɩ ndɩ yɔɔ nɛ ɛwɩlɩ sɔɔlɩm mbʋ Izrayɛɛlɩ samaɣ. Ɛlɩzɩ-kɛ yomiye taa Ejipiti nɛ ewoni-kɛ Lidaʋ Tɛtʋ taa. (Ke 105:42-44) Ɛlʋbɩ ɛ-samaɣ yɔɔ nɛ kalakɩ kɩwɛɛkɩm lɛ, ekpeɣ-kɛ faaa. (Ke 107:19, 20) Ye ɖɩmaɣzɩɣ «Yehowa sɔɔlɩm siɣsiɣ ñɩmbʋ lakasɩ yɔɔ camɩyɛ» yɔ, piseɣtiɣ-ɖʋ nɛ ɖɩmaɣzɩnɩ-ɩ.—Ke 107:43.
CƆNƖ VIDEO «MAƔZƖ CAMƖYƐ MBƲ YEHOWA LAKƖ NƐ ƐWƖLƖƔNƖ SƆƆLƖM MBƲ PƖWƐ SIƔSIƔ YƆ PƖ-YƆƆ,» NƐ PƲWAYƖ LƐ, ŊCOSI TƆM TƲNƐ TƖ-YƆƆ:
-
Nʋmɔŋ weyi ɩ-yɔɔ ɖɩpɩzɩɣ nɛ ɖɩtɩŋna nɛ ɖɩwɩlɩ se ɖɩwɛnɩ sɔɔlɩm siɣsiɣ ñɩmbʋ?
-
Ɛbɛ yɔɔ pɩpɔzʋʋ se ɖɩlaa kɩlaŋ pʋcɔ nɛ ɖɩpɩzɩ nɛ ɖɩwɩlɩ sɔɔlɩm siɣsiɣ ñɩmbʋ?
