CAƔ WEZUU ƐZƖ KRƖSTƲ TƲ YƆ
Palakɩ tʋmɩyɛ nɛ kpekpeka se pasɩnɩ-ɖʋ
Egeetiye yɔɔ cɔnɩyaa nɛ pa-halaa pahaɣ pa-tɩ nɛ palakɩ tʋmɩyɛ nɛ sɔɔlɩm se pasɩnɩ lalaa. Ɛzɩ ɖa-taa paa anɩ yɔ, pɛwɛnɩ pa-kɩcɛyɩm, nabʋyʋ taa pɩnɩɣ-wɛ, pitiki-wɛ yɔɔɔ nɛ pakatɩɣ nɩɣzɛ. (Yak 5:17) Paa mbʋ yɔ, paa kpɩtaʋ ŋgʋ lɛ, pakaŋ pa-lɩmaɣza agbaa wena a-yɔɔ pekilimiɣ yɔ a-taa koobiya halaa nɛ abalaa yɔɔ nɛ ɛzɩma pakpazɩ-wɛ ɖoŋ yɔ pɩ-yɔɔ. Toovenim taa lɛ, egeetiye yɔɔ cɔnɩyaa mba «pamʋnɩ hɩɖɛ ɖʋʋ tam nabʋlɛ taa.»—1Ti 5:17.
Alɩwaatʋ ndʋ apostoloo Pɔɔlɩ kpaɣ lɩmaɣzɩyɛ se ewoki Roma ɛgbɛyɛ taa se ‘ɛha-wɛ fezuu taa kʋjɔʋ nakʋyʋ’ yɔ, ɛtaɣaɣ liu se alɩwaatʋ ndʋ tɩsɩɣnɩ-wɛ nɛ ‘pakpazɩ ɖama ɖoŋ.’ (Rom 1:11, 12) Ŋtɛm maɣzʋʋ mbʋ ŋpɩzɩɣ ŋla nɛ ŋkpazɩ ɖoŋ ñe-egeetiye yɔɔ cɔnɩyʋ nɛ ɛ-halʋ, ye ɛlɛ ɛɖɔkɩ nesi yɔ?
CƆNƖ VIDEO ƐZƖMA EGEETIYE YƆƆ CƆNƖYAA LAKƖ TƲMƖYƐ TƐTƲ CIKPETU TAA YƆ NƐ PƲWAYƖ LƐ, ŊCOSI TƆM TƲNƐ TƖ-YƆƆ:
-
Hɔɔlɩŋ weyi taa egeetiye yɔɔ cɔnɩyaa nɛ pa-halaa pawɩlɩɣ se pahaɣ pa-tɩ nɛ palakɩ tʋmɩyɛ nɛ sɔɔlɩm se pasɩnɩ ɛgbɛyɛ?
-
Ɛzɩma pa-pana ñaɣʋ tɛmɩ-ŋ wazʋʋ?
-
Ɛzɩma ɖɩpɩzɩɣ nɛ ɖɩkpazɩ-wɛ ɖoŋ?