ƐBƐ YƆƆ PƖCƐYAA? Ɛzɩ pɩwɛʋ wondu lɛɛtʋ hɔɔlʋʋ taa yɔ, réseau sociaux waa pɩzɩɣ pɛwɛɛnɩ wazaɣ, ɛlɛ papɩzɩɣ pɛkɛnɩ ɖɔɖɔ kpaca. Krɩstʋ mba nabɛyɛ kpaɣ lɩmaɣza se paalakɩnɩ-wɛ tʋmɩyɛ. Krɩstʋ mba lalaa lakɩnɩ-wɛ tʋmɩyɛ nɛ pɔyɔɔdʋʋnɩ pɔ-hɔŋ taa mba nɛ pa-taabalaa. Paa mbʋ yɔ, Eleeu tɩŋɩɣnɩ pɔ-yɔɔ nɛ ɛñɩkɩ kpacanaa; nɛ ye ɖɩtɩtɩlɩ labʋ yɔ, ɖɩtɔlʋʋ pa-taa nɛ pɩwɛɛkɩ ɖa-hɩɖɛ nɛ pɩcɛ ɖa nɛ Yehowa ɖa-taabalɩyɛ. Ðɩpɩzɩɣ nɛ ɖɩlabɩnɩ tʋmɩyɛ Bibl paɣtʋ kila ɛzɩ Yesu kaalabʋ yɔ, nɛ ɖɩtɩlɩ kpacanaa mba nɛ ɖiposi ɖa-tɩ nɛ wɛ.​—Luka 4:4, 8, 12.

KPACANAA MBA PA-TAA PƖFƐYƖ SE ÐƖTƆLƖ YƆ:

• Réseaux sociaux waa tʋmɩyɛ labɩnʋʋ kadadayaɣ. Ye ɖɩkpakɩɣ alɩwaatʋ sakɩyɛ nɛ ɖɩlakɩnɩ-wɛ tʋmɩyɛ yɔ, pɩpɩzɩɣ piyele nɛ ɖɩɩtasɩɣ wɛnʋʋ alɩwaatʋ nɛ ɖɩla fezuu taa tʋma

  Bibl paɣtʋ kila: Efɛ 5:15, 16; Fil 1:10

• Mbʋ pɩtɩmʋna yɔ pɩ-cɔnʋʋ. Ye ɛyʋ ɛcɔŋnɩ mbʋ pɩtɩmʋna yɔ, pɩpɩzɩɣ piyele nɛ ɛtɔlɩ kʋzʋʋ kɩlɛmɩŋ cɔnʋʋ yaa kʋzʋʋ kɩdɛkɛdʋʋ kpaca taa. Ye ɛyʋ ɛkalɩɣ tɔm ndʋ tisuu yebiyaa maɣ lona ana a-taa yɔ, pɩpɩzɩɣ pɩkʋ e-tisuu

  Bibl paɣtʋ kila: Mat 5:28; Fil 4:8

• Tɔm yaa fotonaa mba patɩmʋna yɔ pe-tiyinuu. Ɛyʋ laŋɩyɛ kɛ peɣziyu, pʋyɔɔ lɛ, nɔɔyʋ pɩzɩɣ nɛ etiyini tɔm natʋyʋ yaa fotonaa mba patɩmʋna yɔ lona ana a-taa. Ɛlɛ ɛyʋ ɛlabɩ mbʋ yɔ, pɩpɩzɩɣ nɛ pɩwɛɛkɩ ɛ-hɩɖɛ nɛ pɩcamɩ-ɩ fezuu taa

  Bibl paɣtʋ kila: Roma 14:13; Efɛ 4:29

CƆNƖ TƖLƖ RÉSEAUX SOCIAUX WAA TƲMƖYƐ LABƖNƲƲ TƐ VIDEO NƐ ŊTASƖ TAZƲƲ NƐ ŊNA MBƲ PƖWƐƐ SE ŊLA NƐ WƐTƲ NDƲ TƖWƐ KƖLƐMƖŊ ƐNƐ Ɩ-TAA YƆ TƖTAATALƖ-Ŋ YƆ: