Yesu ha-ɖʋ kɩɖaʋ ŋgʋ pɩwɛɛ se ɖɩtɩŋ yɔ, kɔzɩ kɔzɩ alɩwaatʋ ndʋ ɖɩkatɩɣ tɩlasɩ yaa nazɩm yɔ. (1Pɩy 2:21-23) Patʋ Yesu nɛ halɩ pawɩlɩ-ɩ ñaŋ, ɛlɛ ɛtɩkpa kɩmɩyɛ. (Mark 15:29-32) Ɛbɛ sɩnɩ-ɩ nɛ ɛɖɔkɩ ɛ-tɩ? Ɛɛtɛm ɛ-taa se ɛlakɩ Yehowa sɔɔlɩm. (Yoh 6:38) Ɛɛkam ɖɔɖɔ ɛ-lɩmaɣza “laŋhʋlɩmɩyɛ” nɖɩ ɖɩɖaŋɩ-ɩ nɛ ɛsɩndaa yɔ ɖɩ-yɔɔ.​—Ebr 12:2, ABT.

Ɛzɩma ɖɩlakɩ alɩwaatʋ ndʋ ɛyaa nazɩɣ-ɖʋ ɖe-tisuu yɔɔ yɔ? Toovenim Krɩstʋ mba ɩɩhɛyɩɣ “nɔɔyʋ kɩdɛkɛdɩm, kɩdɛkɛdɩm yɔɔ.” (Roma 12:14, 17) Ye ɖɩmaɣzɩɣnɩ tɩ ɖɔkʋʋ mbʋ Krɩstʋ kaawɛna alɩwaatʋ ndʋ pawɩlaɣ-ɩ ñaŋ yɔ, ɖihikiɣ koboyaɣ, mbʋ pʋyɔɔ yɔ ɖɔ-tɔm kɛdɩɣnɩ Ɛsɔ.​—Mat 5:10-12; 1Pɩy 4:12-14.

CƆNƖ YEHOWA HƖÐƐ TƆM KƖLƖNƖ CƐYƲƲ TƐ VIDEO NƐ ŊCOSI TƆM TƲNƐ TƖ-YƆƆ:

• Ɛzɩma ɖo-koobu halɩñɩnʋ Pötzinger * labɩnɩ ɛ-alɩwaatʋ tʋmɩyɛ nɛ lɛɣtʋ alɩwaatʋ ndʋ ɛɛwɛ salaka taa yɔ?

• Kʋñɔmɩŋ weyi koobiya panɛ pakatɩ salakanaa ndɩ ndɩ taa?

• Ɛbɛ sɩnɩ-wɛ nɛ pɔɖɔkɩ kpam?