Koobiya mba pɛwɛ toovenim taa pɩlakɩ pɩnzɩ sakɩyɛ yɔ, pɛwɛ ɖa-agbaa taa. Ðɩpɩzɩɣ nɛ ɖɩkpɛlɩkɩ lɔŋ sakɩyɛ pɩlɩɩnɩ ɛzɩma pɔñɔnɩ Yehowa pɩnzɩ sakɩyɛ yɔ pɩ-yɔɔ. Ðɩpɩzɩɣ nɛ ɖɩpɔzɩ-wɛ tɔm pɩlɩɩnɩ ɛzɩma Yehowa ɛgbɛyɛ wɛɛ nɛ ɖiwokini ɛsɩndaa yɔ nɛ ɛzɩma papɩzaa nɛ palʋbɩnɩ kala nɛ pɔɖɔkɩ Yehowa sɛtʋ kpam yɔ pɩ-yɔɔ. Halɩ ɖɩpɩzɩɣ nɛ ɖɩyaa pa-taa nɔɔyʋ alɩwaatʋ ndʋ ɖɩlakɩ hɔʋ taa Ɛsɔ sɛtʋ yɔ nɛ ɛkɛdɩ-ɖʋ mbʋ ɛna e-wezuu caɣʋ taa yɔ pɩ-tɔm.

Ye ŋleɖi toovenim taa yɔ, pɩwɛɣ ɖeu se ŋkɛdɩɣ piya evelisi mbʋ mbʋ ŋna ñe-wezuu caɣʋ taa yɔ pɩ-tɔm faaa. Yakɔɔb nɛ Yosɛɛfʋ pɛkɛdɩ pa-sayɩnaa mbʋ pɩtalɩ-wɛ pe-wezuu caɣʋ taa yɔ. (Kiɖe 48:21, 22; 50:24, 25) Pʋwayɩ Yehowa heyi hɔŋ ñʋndɩnaa se pɛkɛdɩ pe-piya ɛ-tʋma sɔsɔna tɔm. (Wp 4:9, 10; Keɣa 77:4-7) Sɔnɔ pɩwɛɛ se lʋlɩyaa nɛ ɛgbɛyɛ taa mba lalaa pɛkɛdɩɣ piya tʋma sɔsɔna wena Yehowa wɛɛ nɛ ɛtɩŋɩɣnɩ ɛ-ɛgbɛyɛ yɔɔ nɛ ɛlakɩ yɔ.

CƆNƖ VIDEO ÐƖÐƆKƖ NƆƆ KƲÐƲMAƔ ŊGA KƐWƐ ÐƐ-HƐKƲ TAA YƆ KPAM YE PAÐƖƔ-ÐƲ NƲMƆƲ SE ÐƖTAALA ÐƐ-ƐSƆ SƐTƲ TƲMA YƆ NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛzɩma Ositralii ɛgbɛyɛ piliŋa sɩnɩ ɖo-koobiya mba pɛwɛ ajɛɛ wena a-taa paɖɩɣ nʋmɔʋ se ɖɩtaala ɖɛ-Ɛsɔ sɛtʋ tʋma yɔ?

• Ɛzɩma ajɛɛ ana a-taa koobiya ɖɔkɩ pe-tisuu kpam?

• Ɛbɛ yɔɔ Rumaanii tɔm susuyaa nabɛyɛ posi pa-tɩ nɛ Yehowa ɛgbɛyɛ? Nɛ ɛbɛ sɩnɩ-wɛ nɛ papɩsɩ nɛ pɔkɔɔ?

• Ɛzɩma tɔm ndʋ tɩkpazɩɣ ñe-tisuu ɖoŋ?