Sɔɔlɩm kɛ kɩtaaɖʋʋ ŋgʋ kiyeki se hɔʋ taa mba ɩñɔɔnɩ ɖama yɔ. Ye sɔɔlɩm ɛfɛyɩ hɔʋ nakʋyʋ taa yɔ, pɩwɛɣ kaɖɛ se hɔʋ taa mba ɩkpɛndɩ nɛ pala tʋmɩyɛ nɔɔ kʋɖʋmaɣ taa. Ɛzɩma walaa, halaa nɛ lʋlɩyaa pɩzɩɣ nɛ pawɩlɩ sɔɔlɩm hɔʋ taa?

Abalʋ weyi ɛsɔɔlɩ ɛ-halʋ yɔ, ɛcɔŋnɩ ɛ-kɩcɛyɩm ɖeɖe, ekeŋni ɛ-lɩmaɣza nɛ ɛzɩma pɩlakɩ-ɩ yɔ pi-ɖeɖe. (Efɛ 5:28, 29) Ɛcɔŋnɩ ɛ-hɔʋ kɩcɛyɩm ɖeɖe tomnaɣ yɔɔ nɛ fezuu taa. Pɩtasɩ lɛ, pɩwɛɛ se ɛlakɩ hɔʋ taa Ɛsɔ sɛtʋ paa kpɩtaʋ ŋgʋ. (1Ti 5:8) Halʋ weyi ɛsɔɔlɩ ɛ-walʋ yɔ, eluzuu ɛ-tɩ ɛ-tɛɛ nɛ ‘ɛñaŋɩ-ɩ siŋŋ’. (Efɛ 5:22, 33; 1Pɩ 3:1-6) Pɩwɛɛ se halʋ nɛ ɛ-walʋ pɔsɔɔlɩ kpeɣu ɖama faaa. (Efɛ 4:32) Lʋlɩyaa kʋsɔɔlaa wɩlɩɣ se pɔsɔɔlɩ paa pa-pɩɣa ŋga nɛ pawɩlɩɣ pe-piya se sɩsɔɔlɩ Yehowa. (Wp 6:6, 7; Efɛ 6:4) Kala wena pe-piya katɩɣ sukuli taa? Ɛzɩma sɩkaɖɩɣnɩ sukulibiya lɛɛsɩ nzɩ sɩñɩkɩɣ sɩ-yɔɔ se sɩla kɩdɛkɛdɩm yɔ? Ye sɔɔlɩm ɛwɛ hɔʋ taa yɔ, pɩkandɩyɩɣ hɔʋ taa mba tɩŋa yɔɔ nɛ pɛwɛɛ pɛɛyɛ taa.

CƆNƖ VIDEO WƖLƖ SE ŊWƐNƖ SƆƆLƖM SIŊŊ ÑƆ-HƆƲ TAA MBA YƆƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛzɩma walʋ weyi ɛsɔɔlɩ ɛ-halʋ yɔ, ɛcɔŋnɩ ɛ-yɔɔ nɛ ɛhɛndɩɣnɩ-ɩ?

• Ɛzɩma halʋ weyi ɛsɔɔlɩ ɛ-walʋ yɔ, ɛwɩlɩɣ se ɛñaŋɩ-ɩ siŋŋ?

• Ɛzɩma lʋlɩyaa mba pɔsɔɔlɩ pe-piya yɔ, pawɩlɩɣ-sɩ Ɛsɔtɔm?