Alɩwaatʋ ndʋ ɖɩlakɩ pɩsɩ ŋna-ɩ waa yaa ɖɩkpɛlɩkɩɣnɩ ɛyaa Bibl yɔ, pɩwɛɛ se ɖɩsɩnɩ ɖɔ-tɔm welisiyaa nɛ panɩɩ lɩmaɣza kɩcɛya taa camɩyɛ. Ye ɖɩtɩŋɩɣnɩ kɩɖaŋ yɔɔ nɛ ɖɩlɩzɩɣ lɩmaɣza kɩcɛya taa yɔ, ɖɩpɩzɩɣ nɛ ɖitukuni pa-laŋa nɛ papɩzɩ nɛ pɔtɔzɩ tɔm ndʋ ɖɩwɩlɩ-wɛ yɔ tɩ-yɔɔ.

Ye ŋñɔɔzʋʋ pɩsɩ nɛ ŋna-ɩ nakʋyʋ yaa Bibl kpɛlɩkʋʋ nabʋyʋ yɔ, taaka ña-lɩmaɣza lɩmaɣza wena a-tɔm tɩkɩlɩ cɛyʋʋ yɔ, a-yɔɔ; ɛlɛ lɩzɩ lɩmaɣza kɩcɛya wena ŋsɔɔlaa se ŋñɩɣ niye a-yɔɔ yɔ. Pʋwayɩ lɛ, ŋtɩŋnɩ kɩɖaŋ weyi ɩwɛ kɛlɛʋ yɔ ɩ-yɔɔ nɛ ŋñɩɣ niye lɩmaɣza ana a-yɔɔ. (Mat. 5:14-16; Mark. 2:21; Luka 14:7-11) Ŋŋlɩzɩɣ kɩɖaŋ ɛnɩ lɛ, maɣzɩ wɛtʋ ndʋ tɩ-taa ñɔ-tɔm welisiyaa wɛɛ yɔ nɛ tʋma wena palakɩ yɔ, a-yɔɔ. (Luka 5:2-11; Yoh. 4:7-15) Alɩwaatʋ ndʋ ŋnaɣ se ɛnɩ tɔm natʋyʋ taa nɛ ɛmʋyʋʋ yɔ, pɩlakɩ-ŋ leleŋ siŋŋ.

CƆNƖ VIDEO ÑAƔ PANA ŊWƐƐ NIYE KPƐLƖKƖYAA LABƲ TƲMƖYƐ TAA NƐ PƖHA-Ŋ TAA LELEŊ—HA KƖÐAŊ NƐ ŊLƖZƖ LƖMAƔZA KƖCƐYA TAA , NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ yɔɔ pɩcɛyaa se ɖɩsɩnɩ Bibl kpɛlɩkɩyaa nɛ panɩɩ Bibl masɩ taa?

• Ɛzɩma Neeta tɩŋnɩ kɩɖaʋ kɩbaŋʋ nakʋyʋ yɔɔ nɛ ɛlɩzɩ toovenim tɔm ndʋ tɩwɛ Roma mba 5:12 taa yɔ tɩ-taa?

• Ðoŋ kɩbaŋ weyi kɩɖaŋ kɩbaŋ pɩzɩɣ nɛ ɩwɛɛnɩ tɔm welisiyaa yɔɔ?

• Ɛbɛ yɔɔ pɩwɛɛ se ɖɩlabɩnɩ tʋmɩyɛ videowaa nɛ tɔm wɩlʋʋ wondu lɛɛtʋ ndʋ Yehowa ɛgbɛyɛ haɣ-ɖʋ yɔ tɔm susuu taa?