Ye ŋwɛ kpekpeka yɔ, pituyuu lalaa ɖɔɖɔ nɛ pɛwɛɛ kpekpeka. Ye ɖɩwɛ kpekpeka yɔ, piseɣtiɣ ɛyaa se pewelisi tɔm ndʋ ɖɩyɔɔdʋʋ yɔ. Pɩwɩlɩɣ ɖɔɖɔ se tɔm ndʋ ɖisusuu yɔ tɩmʋ ñɩm ɖɛ-ɛsɩndaa. Paa le ɖɩtɩɩlɩnaa yɔ, ɖa-tɩŋa ɖɩpɩzɩɣ nɛ ɖɩkpɛlɩkɩ nɛ ɖɩtɩlɩ ɛzɩma pɩwɛɛ se ɖɩla nɛ ɖɩwɛɛ kpekpeka yɔ. (Rom 12:11) Ɛzɩma tɩyɛ?

Kajalaɣ lɛ, maɣzɩ tɔm ndʋ ŋsusuu yɔ tɩ-wazaɣ yɔɔ. Ŋwɛnɩ waɖɛ se ŋsusi “mbʋ pɩwɛ ɖeu yɔ pɩ-tɔm kɩbandʋ!” (Rom 10:15) Nabʋlɛ lɛ, maɣzɩ pee kɩbana wena ñɔ-tɔm susuu lʋlʋʋ tɔm welisiyaa yɔɔ yɔ. Pɩpɔzʋʋ kpem se panɩɩ tɔm ndʋ ŋsusuu yɔ. (Rom 10:13, 14) Kɛdɛzaɣ lɛ, yɔɔdɩnɩ kpekpeka, labɩnɩ tʋmɩyɛ ño-tomnaɣ pilinzi camɩyɛ nɛ ñɛ-ɛsɩndaa wɛtʋ ɛmʋnɩ tɔm ndʋ ŋyɔɔdʋʋ yɔ.

CƆNƖ VIDEO ÑAƔ PANA ŊWƐƐ NIYE KPƐLƖKƖYAA LABƲ TƲMƖYƐ TAA NƐ PƖHA-Ŋ TAA LELEŊ—WƖLƖ TƆM NƐ KPEKPEKA , NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ yeba nɛ Neeta lesi kpekpeka ŋga ɛɛwɛna alɩwaatʋ ndʋ ɛ nɛ Rose pɛkpɛlɩkaɣ Bibl yɔ?

• Ɛbɛ yeba nɛ Neeta tasɩ hiɣu kpekpeka ŋga ɛɛwɛna yɔ?

• Ɛbɛ yɔɔ pɩwɛɛ se ɖɩka ɖa-lɩmaɣza ɖɔ-tɔm welisiyaa wɛtʋ kɩbandʋ yɔɔ?

• Ðoŋ weyi kpekpeka ŋga ɖɩwɛna yɔ kapɩzɩɣ kɛwɛɛnɩ ɖe-Bibl kpɛlɩkɩyaa nɛ ɛyaa lalaa yɔɔ?