Ðɩtɩtalɩ pilim, pʋyɔɔ lɛ pɩwɛɛ se ɖɩwɛɛ lʋbʋ yɔɔ tam pʋcɔ nɛ ɖɩpɩzɩ nɛ ɖɩwɛɛnɩ ɖoŋ ɖɔ-kɔɖɛyɩ yɔɔ. Ye ɖɩɩcɔŋnɩ ɖɔ-kɔɖɛyɩ ɖeɖe camɩyɛ yɔ, pɩpɩzɩɣ nɛ piyele nɛ ɖilesi Yehowa taabalɩyɛ. Kɩɖaʋ nakʋyʋ yɔ: Nabɛyɛ yeki nɛ kɔɖɛyɩ ŋgʋ pɛwɛnɩ tɔɔnaɣ, wondu kususutu nɛ ɖɩzʋyɛ yɔɔ yɔ, kɩwɛɛ ɖoŋ siŋŋ nɛ pɩkpaɖɩ sɔɔlɩm mbʋ pɔsɔɔlɩnɩ Ɛsɔ yɔ. Nabɛyɛ lɛ, pɔcɔŋnɩ kɔɖɛyɩ ŋgʋ pɛwɛnɩ kʋzʋʋ nʋmɔʋ taa yɔ ki-ɖeɖe nɛ pa-paa fɛyɩnɩ paɣtʋ ndʋ Ɛsɔ ɖʋwa yɔ. (Rom 1:26, 27) Lalaa ɖɔɖɔ lɛ peyeki nɛ taabalaa wɛɣnɩ ɖoŋ pɔ-yɔɔ mbʋ pʋyɔɔ yɔ, pɔsɔɔlaa se pa-taabalaa ɩsɔɔlɩ-wɛ.—Ejl 23:2.

Ɛbɛ pɩzɩɣ nɛ pɩsɩnɩ-ɖʋ nɛ ɖɩcɔŋnɩ ɖɔ-kɔɖɛyɩ ɖeɖe camɩyɛ? Pɩcɛyaa se ɖɩla ɖo-ɖoŋ ɖeɖe nɛ ɖɩka ɖa-lɩmaɣza fezuu taa wondu yɔɔ. (Mt 4:4) Pɩtasɩ lɛ, pɩwɛɛ se ɖɩtɩmnɩ Yehowa se ɛsɩnɩ-ɖʋ nɛ ɖɩwɛɛnɩ ɖoŋ ɖɔ-kɔɖɛyɩ yɔɔ. Ɛbɛ yɔɔ? Mbʋ pʋyɔɔ yɔ, ɛnʋ sɩmnɩ mbʋ pɩwɛ ɖeu nɛ pɩkpaɖɩ yɔ. Ɛnʋ sɩmnɩ ɖɔɖɔ ɛzɩma pɩwɛɛ se ɖɩcɔnɩ ɖɔ-kɔɖɛyɩ ɖeɖe camɩyɛ yɔ.—Keɣa 144:16.

ƖCƆNƖ VIDEO TAAYELE NƐ SƖGAA HUYI ÑA-PƖLAƲ, NƐ PƲWAYƖ LƐ ICOSI TƆM TƲNƐ TƖ-YƆƆ:

• Ɛbɛ yɔɔ nabɛyɛ ñɔʋ sɩgaa?

• Ɛbɛ sɩgaa ñɔʋ pɩzɩɣ nɛ pɩkɔnɩ-ŋ?

• Ɛbɛ yɔɔ sɩgaa ñɔʋ nɛ sɩgaa ñɔsɩ hɔm menziini taa fɛyɩ ɖeu?—2Kɔ 7:1

• Ɛzɩma ŋpɩzɩɣ nɛ ŋkizi sɩgaa ñɔʋ yaa ŋlɩɩ ki-yomiye taa?