Pʋcɔ nɛ Bibl kpɛlɩkɩyaa tɔm kɛdɩnɩ Ɛsɔ lɛ, pɩpɔzaa se pe-tisuu ɛcɛyɩsɩ siŋŋ. (Ebr 11:6) Ðɩpɩzɩɣ nɛ ɖɩtɩŋnɩ Nɩɩ wezuu leleŋ tam! takayaɣ yɔɔ nɛ ɖitukuni pa-laŋa. Kpɛlɩkʋʋ takayaɣ kanɛ ka-taa palabɩnɩ tʋmɩyɛ Masɩ nzɩ sɩ-tɔm cɛyaa yɔ, lɩmaɣza cɔlʋʋ mbʋ pɩ-taa tʋ kpayɩ kpayɩ yɔ, tɔm pɔzʋʋ mbʋ pitukuuni ɛyʋ laŋɩyɛ yɔ, videowaa mba pɔñɔɔzɩ-wɛ camɩyɛ yɔ, nɛ kɩlɛmɩŋ weyi iɖe pɩdɩɩfɛyɩ yɔ. Ɛzɩma ɖɩsɩɣnɩ kpɛlɩkɩyʋ se ɛwɛɛnɩ fezuu taa wɛtʋ kɩbandʋ nɛ taabalɩyɛ kɩbanɖɛ wɛɛ ɛ nɛ Ɛsɔ pɛ-hɛkʋ taa yɔ, pɩwɩlɩɣ se ɖɩwɛɛ nɛ ɖɩmaɣnɩ wondu ndʋ miŋ ɩɩpɩzɩɣ nɛ ɩñaɣ-tʋ yɔ.—1Kɔ 3:12-15.

Pɩwɛ nabɛyɛ kaɖɛ se petisi se papɩzɩɣ nɛ pɛkɛ Ɛsɔ weyi paanaɣ-ɩ yɔ, ɛ-taabalʋ. Pʋyɔɔ lɛ, pɩwɛɛ se ɖɩsɩnɩ-wɛ nɛ patɩlɩ Yehowa nɛ pataa-ɩ liu.

ƖCƆNƖ VIDEO LABƖNƖ TƲMƖYƐ “NƖƖ WEZUU LELEŊ TAM! NƐ ŊCƐYƖSƖNƖ KPƐLƖKƖYƲ TISUU YEHOWA YƆƆ”, NƐ PƲWAYƖ LƐ ICOSI TƆM TƲNƐ TƖ-YƆƆ:

• Ɛbɛ wɩlɩɣ se koobu halɩñɩnʋ ñɔɔzɩ kpɛlɩkʋʋ mbʋ camɩyɛ ?

• Ɛzɩma ɛlabɩnɩ tʋmɩyɛ tɔm pɔzʋʋ lɛɛbʋ mbʋ ɛñɔɔzɩ camɩyɛ yɔ se pɩsa nɛ kpɛlɩkɩyʋ heyi-i ɛ-lɩmaɣza pɩlɩɩnɩ Izaayii 41:10, 13 yɔɔ ?

• Ðoŋ weyi video nɛ Bibl masɩ wɛnɩ kpɛlɩkɩyʋ yɔɔ?

Ɛyaa sakɩyɛ ɩɩnɩɣ kɩhɛyʋʋ pʋ-ñʋʋ taa tɔbʋʋ, yaa pamaɣzɩɣ se pɩtɩkɛnɩ kʋjɔʋ ŋgʋ Ɛsɔ labɩ pa-maɣmaɣ yɔ. (Gal 2:20) Pʋyɔɔ lɛ, pɩcɛyaa se ɖɩsɩnɩ-wɛ nɛ pɛwɛɛnɩ tisuu Yesu kɩlaʋ yɔɔ.

ƖCƆNƖ VIDEO LABƖNƖ TƲMƖYƐ “NƖƖ WEZUU LELEŊ TAM! NƐ ŊCƐYƖSƖNƖ KPƐLƖKƖYƲ TISUU YESU YƆƆ”, NƐ PƲWAYƖ LƐ ICOSI TƆM TƲNƐ TƖ-YƆƆ:

• Ɛbɛ wɩlɩɣ se koobu abalɩñɩnʋ ñɔɔzɩ kpɛlɩkʋʋ mbʋ camɩyɛ?

• Ɛzɩma ɛlabɩnɩ tʋmɩyɛ mbʋ pɩwɛ “Wondu lɛɛtʋ” hɔɔlʋʋ taa yɔ nɛ pɩmʋnɩ kpɛlɩkɩyʋ kɩcɛyɩm camɩyɛ?

• Ɛbɛ yɔɔ adɩma wena ɖɩlakɩ kpɛlɩkɩyʋ yɔɔ yɔ a-tɔm cɛyaa?