Yesu susaɣ tɔm lɛ, ɛtɩŋaɣnɩ mbʋ pɩlakaɣ ɛ-alɩwaatʋ taa yɔ pɩ-yɔɔ, nɛ ɛwɩlɩɣ tɔm. (Lk 13:1-5) Ña ɖɔɖɔ ŋpɩzɩɣ nɛ ŋtɩŋnɩ mbʋ pɩlakɩ ñe-egeetiye taa yɔ pɩ-yɔɔ nɛ ŋhɔ ñɔ-tɔm welisiyaa lɩmaɣza nɛ ŋwoni kewiyaɣ tɔm yɔɔ. Ye wondu ɛkpa liidiye, yaa ye asɛyʋʋ nakʋyʋ, ñam ñam lakasɩ, tabakʋʋyaɣ ñɔʋ yaa tɩlasɩ ɛzɩ sɩnɛ yɔ sɩ-taa nasɩyɩ ɩlaba yɔ, tɩŋnɩ sɩ-yɔɔ nɛ ŋpɔzɩ tɔm ndʋ titukuuni ɛyaa laŋa camɩyɛ yɔ. Ŋpɩzɩɣ nɛ ŋpɔzɩ se: “Ŋmaɣzɩɣ se . . . kaɣ sɩʋ tɩnaɣ wiɖiyi?” yaa “Ŋmaɣzɩɣ se ɛbɛ kaɣ yebu nɛ . . . sɩɩ tɩnaɣ?” Pʋwayɩ lɛ, ŋkalɩ mayaɣ ŋga kalabɩ nɔɔ kʋɖʋmaɣ nɛ tɔm ndʋ ŋyɔɔdaa yɔ. Ye ŋnawa se tɔm ndʋ tɩkɛdɩnɩ ɖɩɣdʋ yɔ, wɩlɩ-ɩ video yaa ha-ɩ ɖɔ-Tɔm wɩlʋʋ wondu taa takayaɣ nakɛyɛ. Tɛtɛ nɛ ɖiwolo pɩ-yɔɔ nɛ ‘ɖɩlakɩ pɩtɩŋa payɩ tɔm kɩbandʋ yɔɔ’ nɛ ɖɩñakɩ pana se ɖitukuni ɖo-kooka taa mba laŋa.—1Kɔ 9:22, 23.

Tɔm ndʋ pɩzɩɣ nɛ tɩkɛdɩnɩ ñe-egeetiye taa mba?