«Kɩbaɣlʋ wazɩɣ ɛ-samaɣ yɔɔ» (Keɣa 149:4) Paa ɖɩtɩtalɩ pilim yɔ, Yehowa kaŋ ɛ-lɩmaɣza ɖɛ-wɛtʋ kɩbandʋ nɛ mbʋ ɖɩkaɣ pɩzʋʋ nɛ ɖɩla cee wayɩ yɔ pɩ-yɔɔ. Nabʋyʋ taa pɩpɩzɩɣ nɛ pɩlabɩ-ɖʋ kaɖɛ se ɖɩwɛɛnɩ lɩmaɣza kɩbana ɖa-maɣmaɣ ɖɔ-yɔɔ. Wɛtʋ ndʋ lalaa wɛnɩ ɖɔ-yɔɔ yɔ tɩ-yɔɔ lɛ, ɖɩpɩzɩɣ nɛ ɖɩmaɣzɩ se ɖɩɩwazɩɣ pʋyʋ. Yaa ye ɖɩkam ɖa-lɩmaɣza kɩdɛkɛdɩm mbʋ ɖɩlaba nɛ pɩɖɛɛ yɔ pɩ-yɔɔ yɔ, ɖɩpɩzɩɣ nɛ ɖɩmaɣzɩ se Yehowa ɛɛpɩzɩɣ nɛ ɛsɔɔlɩ-ɖʋ. Ye ɖɩwɛnɩ lɩmaɣza ana yɔ, ɛbɛ pɩzɩɣ nɛ pɩsɩnɩ-ɖʋ?

Tɔzɩ se Yehowa naɣ mbʋ ɛyaa ɩɩpɩzɩɣ nɛ pana yɔ. (1Sam 16:7) Pʋ-tɔbʋʋ lɛ se ɛnaɣ mbʋ ɖɔ-yɔɔ yɔ, ɖa-maɣmaɣ ɖɩɩpɩzɩɣ nɛ ɖɩna-pʋ. Ða-taa wɛ leleŋ se Bibl sɩɣnɩ-ɖʋ nɛ ɖɩtɩlɩɣ lɩmaɣza wena Yehowa wɛnɩ ɖɔ-yɔɔ yɔ. Ye ɖɩkalɩɣ Bibl masɩ nɛ Bibl kɛdɛsɩ nzɩ sɩwɩlɩɣ se Yehowa sɔɔlɩ ɛ-sɛyaa yɔ, ɖɩpɩzɩɣ nɛ ɖɩtɩlɩ lɩmaɣza wena Yehowa wɛnɩ ɖɔ-yɔɔ yɔ.

CƆNI VIDEO HƐZƖ ÑA-LAŊƖYƐ YEHOWA ƐSƖNDAA, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ seyu nɛ ɛ-caa pa-kɩɖaʋ kpɛlɩkɩɣ-ɖʋ pɩlɩɩnɩ lɩmaɣza wena Yehowa wɛnɩ ɖɔ-yɔɔ yɔ a-yɔɔ?

  Tɔm ndʋ ŋcosuu yɔ

• Ye nɔɔyʋ ɛlabɩ kɩwɛɛkɩm sɔsɔm nabʋyʋ nɛ ɛkpɛzɩ nɩŋgbanzɩ nzɩ pɩpɔzʋʋ yɔ nɛ ɛñɔɔzɩ ɛ nɛ Yehowa pa-taabalɩyɛ yɔ, ɛzɩma ɛpɩzɩɣ nɛ ɛhɛzɩ ɛ-laŋɩyɛ Yehowa ɛsɩndaa?—1Yo 3:19, 20

  Tɔm ndʋ ŋcosuu yɔ

• Video taa koobu ɛnʋ ɛkalɩ Daviid nɛ Yozafaatɩ pɔ-yɔɔ tɔm nɛ ɛmaɣzɩ tɩ-yɔɔ lɛ, ɛzɩma tɩyɛ pɩwazɩ-ɩ?

  Tɔm ndʋ ŋcosuu yɔ