Ɛbɛ Bibl tatasɩ kɛnaa? Bibl tatasɩ kɛ Traduction du Monde nouveau ŋgʋ paɖaɣnɩ ñɔɔzʋʋ nɛ pakpaɣ tatasɩ yɔɔ yɔ. Pakpakɩɣ kɩ-taa tɔm tatasɩ yɔɔ pazɩ pazɩ kʋnʋmɩŋ sakɩyɛ taa. Mbʋ pɩwɛ ɖeu siŋŋ yɔ, pɩ-taa lɛɛbʋ lɛ se paa Bibl taa ɛyʋ weyi lɛ, weyi ɛkalɩɣ ɛ-tɔm yɔ, ɛwɛ ndɩ. Pakalɩ tɔm nɛ pɩla nɔɔ kʋɖʋmaɣ nɛ Bibl taa toovenim nɛ wɛtʋ ndʋ tɩ-taa weyi ɛyɔɔdaɣ yɔ, ɛɛwɛɛ yɔ.

Wazasɩ nzɩ Bibl tatasɩ kɔŋnɩ-ɖʋ yɔ sɩ-taa nasɩyɩ lɛ nzɩ? Mba pewelisiɣ Bibl tatasɩ yɔ, pɔsɔɔlɩ ɛzɩma sɩsɩɣnɩ-wɛ nɛ panaɣ ɖoŋ weyi ɩwɛ Ɛsɔ tɔm taa yɔ. Pɩlakɩ-wɛ ɛzɩ panɩɣ paa Bibl taa ɛyʋ weyi lɛ ɛ-maɣmaɣ ɛ-nɔɔ yɔ. Pɩsɩɣnɩ-wɛ se pana mbʋ pɩɩlaba yɔ pa-lɩmaɣza taa camɩyɛ nɛ panɩɩ Bibl taa tɔm taa camɩyɛ. (Adu 4:5) Sakɩyɛ kɔma nɛ pana ɖɔɖɔ se si-welisuu hɛzɩɣ pa-laŋa nɩɣzɛ alɩwaatʋ taa.—Keɣa 93:19.

Ye ɖiwelisiɣ Bibl taa tɔm ndʋ pakpaɣ tatasɩ yɔɔ yɔ, pɩwɛɣnɩ ɖoŋ siŋŋ ɖe-wezuu caɣʋ yɔɔ. (4Aw 34:19-21) Ye pakpaɣ Bibl hɔɔlʋʋ nakʋyʋ yaa ki-kpeekpe tatasɩ yɔɔ kʋnʋŋ ŋgʋ ŋnɩɣ yɔ kɩ-taa yɔ, pɩwɛɣ ɖeu se ŋla ɖʋtʋ nɛ ŋwelisiɣ tatasɩ nzɩ sɩ-yɔɔ tɔm ɖoŋ ɖoŋ nɛ pɩkɛnɩ-ŋ fezuu taa tʋma wena ŋlakɩ yɔ a-taa naɖɩyɛ.

CƆNƖ VIDEO BIBL TATASƖ LƖZƲƲ—HƆƆLƲƲ NAKƲYƲ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

Ɛzɩma palɩzɩ Bibl tatasɩ yɔ ɛbɛ tukuni-ŋ pɩ-taa?