Ɛyaa mba pakaɣ kɔm Yesu sɩm yɔɔ tɔzʋʋ sɔnzɩ ɖeɖe 23 mars wiye ɛjaɖɛ kpeekpe yɔɔ yɔ, pɩtɩla pɛcɛzɩɣ miiliyɔɔwaa 12. Pɩtʋʋ fɛyɩ se pakaɣ nɩʋ aseɣɖe tɔm alɩwaatʋ ndʋ tɔm yɔɔdɩyʋ kaɣ yɔɔdʋʋ haɖɛ kɩbanɖɛ nɖɩ kɩhɛyʋʋ pʋ-ñʋʋ taa kɩlaʋ kɛnaa yɔ, nɛ wazasɩ nzɩ ɛyaa kaɣ hiɣu pɩlɩɩnɩ kɩ-yɔɔ yɔ. (Iz. 11:6-9; 35:5, 6; 65:21-23; Yoh. 3:16) Ɛlɛ pɩtɩkɛ tɔm yɔɔdɩyʋ ɖeke kaɣnɩ lɩzʋʋ aseɣɖe kɩyakʋ ŋgʋ. Ða-tɩŋa payɩ ɖɩpɩzɩɣ ɖɩɖʋ nesi nɛ ɖɩmʋ ɛyaa mba ɖɩya-wɛ yɔ camɩyɛ. (Rom. 15:7) Ŋpɩzɩɣ nɛ ŋlabɩnɩ tʋmɩyɛ lɔŋ tasʋʋ mbʋ pɩkɔŋ yɔ.

• Taawolo nɛ ŋcaɣ ño-lone taa nɛ ŋɖaŋ se ɖʋtʋ ɛpaɣzɩ, ɛlɛ mʋ agɔma nɛ mba peyebi tɔm susuu yɔ nɛ amʋʋya nɛ taa leleŋ

• Pɩcɛyaa se ŋmʋ ña-taabalaa mba ŋya-wɛ yɔ camɩyɛ, ɛlɛ taasɔɔ ɖɔɖɔ mba pamʋ yaʋ takayɩsɩ nɛ pɔkɔɔ yɔ pɔ-yɔɔ. Caɣ pɔ-cɔlɔ nɛ papɩzɩ nɛ pakalɩ ñe-Bibl taa nɛ ña nɛ wɛ itee hendu

• Tɔm yɔɔdʋʋ tɛŋ lɛ, ha ña-tɩ nɛ ŋcosi pɔ-tɔm pɔzʋʋ yɔɔ. Ye alɩwaatʋ ɛtɩɖɔɔ mbʋ pʋyɔɔ yɔ pɩwɛɛ se ɩha nʋmɔʋ ɛgbɛyɛ lɛɛɖɛ taa koobiya yɔ, ɖɩnɛ ɛlɛ la ɖʋtʋ nɛ ña nɛ ɛyaa mba ɩkatɩ pʋwayɩ. Ye ŋfɛyɩnɩ pa-taa nɔɔyʋ tɛ adɖɛɛsɩ yɔ, ŋpɩzɩɣ nɛ ŋyɔɔdɩ se: “Mancaɣ mana ña-lɩmaɣza pɩlɩɩnɩ tɔm ndʋ pɔyɔɔdɩ sɔnɔ yɔ tɩ-yɔɔ. Le ɖɩpɩzɩɣ ɖɩkatɩ nɛ ɖɩla faawɩyɛ ŋgʋ?”