Yehowa, “Ɛsɔ koboyaɣ tʋ” sɔɔlaa se ɖɩnɩɩ leleŋ tɔm susuu tʋmɩyɛ taa. (1Ti 1:11) Ye ɖɩñakɩ pana se ɖɩwɛɛ niye tɔm susuu taa nɛ pɩkɩlɩ yɔ, ɖihikiɣ taa leleŋ nɛ pɩkɩlɩ. Ye ɖɩpɔzʋʋ ɛyaa tɔm yɔ, pɩkɛɣnɩ nʋmɔʋ kɩbaŋʋ ŋgʋ kɩ-yɔɔ ɖɩpɩzɩɣ nɛ ɖɩtɩŋna nɛ ɖiseɣti-wɛ nɛ ɖa nɛ wɛ ɖɩpaɣzɩ kɛdaɣ yɔ. Tɔm pɔzʋʋ seɣtiɣ ɛyaa se pamaɣzɩ nɛ pɔcɔlɩ pa-lɩmaɣza camɩyɛ. (Mt 22:41-45) Ye ɖɩpɔzʋʋ ɛyaa tɔm nɛ ɖiwelisiɣni-wɛ camɩyɛ yɔ, pɩwɛ ɛzɩ ɖɩwɛɛ nɛ ɖiheyiɣ-wɛ se: “Ñɔ-tɔm cɛyɩ mɛ-ɛsɩndaa.” (Yak 1:19) Tɔm ndʋ ɛyʋ ɛnʋ ecosuu yɔ, tɩpɩzɩɣ nɛ tɩsɩnɩ-ɖʋ nɛ ɖɩtɩlɩ ɛzɩma ɖɩkpaɣna nɛ ɖa nɛ ɩ ɖiwolo kɛdaɣ yɔɔ camɩyɛ yɔ.

CƆNƖ VIDEO ÑAƔ PANA NƐ ŊWƐƐ NIYE KPƐLƖKƖYAA LABƲ TƲMƖYƐ TAA NƐ PƖHA-Ŋ TAA LELEŊ—WƐƐ NIYE TƆM SUSUU TAA NƐ PƖKƖLƖ—PƆZƲƲ TƆM, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Wɛtʋ kɩbandʋ ndʋ Rose lɩzaa nɛ ɛwɩlɩ?

• Ɛzɩma Neeta tɩŋnɩ tɔm pɔzʋʋ yɔɔ nɛ ɛwɩlɩ se ɛmaɣzɩɣ kpɛlɩkɩyʋ yɔɔ?

• Ɛzɩma Neeta tɩŋnɩ tɔm pɔzʋʋ yɔɔ nɛ eyele nɛ Rose sɔɔlɩ se ɛtɩlɩ sakɩyɛ pɩlɩɩnɩ tɔm kɩbandʋ yɔɔ?

• Ɛzɩma Neeta labɩnɩ tʋmɩyɛ tɔm pɔzʋʋ nɛ ɛsɩnɩ Rose nɛ ɛlɛ maɣzɩ ɛ-ñʋʋ taa nɛ ɛcɔlɩ ɛ-lɩmaɣza camɩyɛ?