Mbʋ pɩɩtalɩ Izrayɛɛlɩ mba Mowaabʋ kɛdɛɛnzɩ taa yɔ, pɩkpɛlɩkɩɣ lɔŋ Krɩstʋ mba. (1Kɔ 10:6, 8, 11) Izrayɛɛlɩ mba kaapaɣzɩ taabalɩyɛ ɖʋʋ nɛ Mowaabʋ halaa mba pacakɩ kʋzʋʋ kɩdɛkɛdʋʋ wezuu nɛ palaɣ sɩɩnaa yɔ. Nɛ halaa mba potuyi-wɛ nɛ pala kɩwɛɛkɩm sɔsɔm. Pɩɩkɔnɩ-wɛ laŋwɛɛkɩyɛ siŋŋ. (Kɩg 25:9) Ða nɛ ɛyaa mba ɖɩlakɩ sukuli yɔ, mba ɖa nɛ wɛ ɖɩlakɩ tʋmɩyɛ yɔ, ɖɔ-cɔlɔ ñɩma, ɖɔ-hɔʋ taa mba nɛ ɛyaa lalaa mba pɔcɔ-ɖʋ nɛ pata yɔ, pa-taa sakɩyɛ ɩɩsɛɣ Yehowa. Ɛzɩma Bibl taa kɛdaɣ kanɛ kasɩɣnɩ-ɖʋ se ɖɩtɩlɩ kaɖɛ nɖɩ ɖɩpɩzɩɣ nɛ ɖɩtalɩ-ɖʋ ye ɖɩɖʋʋ taabalɩyɛ nɛ mba paasɛɣ Yehowa yɔ?

CƆNƖ VIDEO KƖÐAŊ WEYI ƖSƖƔNƖ-ÐƲ SƆNƆ YƆ—HƆƆLƲƲ NAKƲYƲ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Lɩmaɣza kɩdɛkɛda wena tɔm Zimirii nɛ lalaa peheyi Yamiini?

• Ɛzɩma Fineyaasɩ sɩnɩ Yamiini nɛ ɛwɛɛnɩ lɩmaɣza kɩbana?

• Ye pɔtɔm se ɖɩla kɩbandʋ ɛyʋ nɔɔyʋ yaa ɖɩkɛ ɛ-taabalʋ yɔ, tʋkaɣ wɛ pɩ-hɛkʋ taa. Tʋkaɣ ŋga lɛ ŋga?

• Ɛbɛ yɔɔ pɩwɛɛ se ŋkpa ña-tɩ alɩwaatʋ ndʋ ŋlɩzɩɣ nɔɔyʋ se ɛkɛ ña-taabalʋ kɩbanʋ yɔ, halɩ pɩkpɛndɩnɩ ɛgbɛyɛ taa?

• Ɛyaa lakɩ groupe waa ndɩ ndɩ réseaux sociaux waa yɔɔ. Ɛbɛ yɔɔ pɩwɛɛ se ɖɩkpa ɖa-tɩ nɛ groupe waa mba ɖa-maɣmaɣ ɖɩɩsɩŋ pa–taa ɛyaa yɔ nɛ ɖa nɛ wɛ ɖɩtaala faawɩyɛ?