Taabalʋ kɩbanʋ lɛ “weyi ɛsɔɔlʋʋ ɛyʋ lɛlʋ nɛ ɛñɔʋnɩ-ɩ kpam yɔ.” Kɩɖaʋ nakʋyʋ yɔ: Daviid kʋ Gooliyaatɩ nɛ pɩtɛ lɛ, taabalɩyɛ kɩbanɖɛ kɔɔ nɛ pɩwɛɛ ɛ nɛ Yonataanɩ pɛ-hɛkʋ taa. (1Sam 18:1) Paa weyi lɛ, ɛɛwɛnɩ wɛtʋ kɩbandʋ ndʋ tiseɣtaɣ lɛlʋ se ɛñɔtɩnɩ-ɩ yɔ. Pɩwɩlɩɣ se pʋcɔ nɛ ña nɛ nɔɔyʋ ɩkɛ taabalaa kɩbama lɛ, pɩpɔzʋʋ se ŋsɩmɩ-ɩ camɩyɛ. Ɛlɛ ɖoŋ ɖoŋ lɛ, pʋcɔ nɛ ŋtɩlɩ nɔɔyʋ lɛ pɩkpakɩɣ alɩwaatʋ. Ɛlɛ intɛrnɛɛtɩ yɔɔ lɛ, ŋpɩzɩɣ nɛ ŋñɩɣ souris yɔɔ lɛ ña nɛ nɔɔyʋ ɩpɩsɩ “taabalaa”. Ɛyaa woki intɛrnɛɛtɩ yɔɔ lɛ, pɔñɔɔzʋʋ tɔm ndʋ pacaɣ yɔɔdʋʋ yɔ camɩyɛ nɛ pɔɖɔkʋʋ pa-tɩ se pataala mbʋ pɩtɩmʋna yɔ. Nɛ pʋyɔɔ lɛ pɩwɛ kɛlɛʋ se lalaa ɩtaatɩlɩ ɛyaa mba ɖeyi ɖeyi pɛkɛnaa yɔ. Ye mbʋ pɩwɛɣ ɖeu se ŋkpaɣ lɩmaɣzɩyɛ pɩlɩɩnɩ wɛtʋ ndʋ ŋñɩnɩɣ se mba ŋsɔɔlaa se pɛkɛ ña-taabalaa yɔ pɛwɛɛna yɔ pɩ-yɔɔ. Ye ŋŋsɩ-ŋ nɔɔyʋ nɛ etiyini-ŋ message se ña nɛ ɩ ɩkɛ taabalaa yɔ, ŋpɩzɩɣ nɛ ŋsɔɔ message ŋgʋ kɩ-yɔɔ nɛ sɔɔndʋ ɛtaakpa-ŋ se ye ŋticosi yɔ, pɩwɩzɩɣ-ɩ. Ɛyaa nabɛyɛ maɣzɩ kpacanaa mba pa-taa papɩzɩɣ nɛ pɔtɔlɩ réseau sociaux waa yɔɔ yɔ pɔ-yɔɔ lɛ, pakpaɣ lɩmaɣzɩyɛ se paalakɩnɩ réseau sociaux waa tʋmɩyɛ. Ɛlɛ ye ŋlɩzaa se ŋlakɩnɩ tʋmɩyɛ réseau sociaux waa yɔ, tɔm ndʋ yɔɔ pɩwɛɛ se ŋtɔzɩ?

CƆNƖ VIDEO TAATƆLƖ RÉSEAUX SOCIAUX WAA KPACANAA TAA, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ yɔɔ pɩwɛɛ se ŋmaɣzɩ pʋcɔ nɛ ŋɖʋ tɔm natʋyʋ yaa foto nakʋyʋ réseaux sociaux yɔɔ?

• Ɛbɛ yɔɔ pɩwɛɛ se ŋtɩlɩ lɩzʋʋ ɛyaa mba ŋsɔɔlaa se pɛkɛ ña-taabalaa yɔ intɛrnɛɛtɩ yɔɔ?

• Ɛbɛ yɔɔ pɩwɛɛ se ŋɖʋ ña-tɩ kamaɣ pɩlɩɩnɩ alɩwaatʋ ndʋ pɩwɛɛ se ŋkpaɣ nɛ ŋlabɩnɩ tʋmɩyɛ réseau sociaux waa yɔɔ yɔ tɩ-yɔɔ?—Efɛ 5:15, 16