ÑƖM MBƲ PƖWƐ ƐSƆTƆM TAA YƆ
“Ɛ-walʋ kɛ sɔsɔ tɛtʋ taa”
Halʋ kpeetaɣ tʋ wɛnɩ ɖoŋ kɩbaŋ ɛ-walʋ yɔɔ. Wiyaʋ Lemuwɛɛlɩ alɩwaatʋ taa lɛ, ye halʋ nɔɔyʋ ɛwɛ kpeetaɣ yɔ ‘ɛ-walʋ kɛɣ sɔsɔ tɛtʋ taa.’ (Ad 31:23) Sɔnɔ, abalaa mba pañaŋ-wɛ yɔ, palakɩ tʋmɩyɛ ɛzɩ ɛgbɛyɛ taa tʋmlaɖaa yaa ɛzʋtʋyaa yɔ. Ye nɔɔyʋ ɛɖɔkɩ nesi yɔ, ɛ-halʋ kɩɖaʋ kɩbaŋʋ nɛ ɛzɩma ɛ-halʋ ɛnʋ ɛɖʋʋ-ɩ nesi yɔ, mbʋ pɩzɩɣna nɛ pɩsɩnɩ-ɩ nɛ ɛla ɛgbɛyɛ taa tʋma ana. (1Ti 3:4, 11) Halaa kɩbama panɛ, pɔ-tɔm kɛdɩɣnɩ pa-walaa nɛ ɛgbɛyɛ taa koobiya siŋŋ.
Mbʋ halʋ kpeetaɣ tʋ lakɩ nɛ ɛsɩɣnɩ ɛ-walʋ se ɛla ɛgbɛyɛ taa tʋma yɔ:
-
Ɛtɩŋɩɣnɩ ɛ-yɔɔdaɣ yɔɔ nɛ eseɣtiɣ-i.—Ad 31:26
-
Ɛhaɣ-ɩ alɩwaatʋ faaa se ɛsɩnɩ koobiya.—1Tes 2:7, 8
-
Ɛcakɩ wezuu kɛlɛʋ.—1Ti 6:8
-
Ɛɛpɔzʋʋ ɛ-walʋ se eheyi-i ɛgbɛyɛ taa tɔm ndʋ tɩtɩkɛ ɛ-ñɩndʋ yɔ —1Ti 2:11, 12; 1Pɩy 4:15.
