Adɩma wɛ ɛzɩ tɩlaaɖɩ ŋgʋ kɩlɩɣ sɔzɩŋ camɩyɛ nɛ pañaɣzɩɣ-kʋ ɖoŋ ɖoŋ Yehowa ɛsɩndaa templo taa yɔ. (Keɣa 140:2) Ye ɖɩtɩmɩɣnɩ ɖa-Caa sɔɔlɩm tʋ weyi ɛwɛ ɛsɔdaa yɔ, ɖiheyiɣ-i sɔɔlɩm mbʋ ɖɩwɛnɩ ɛ-yɔɔ yɔ, ɖa-kɩcɛyɩm nɛ ɖa-lɩmaɣza nɛ ɖɩpɔzʋʋ-ɩ se ɛsɩnɩ-ɖʋ yɔ, ɖɩwɩlɩɣ se ɖa nɛ ɩ ɖa-taabalɩyɛ tɔm cɛyɩ ɖɛ-ɛsɩndaa. Toovenim, adɩma wena ɖɩlakɩ tobi ɖe-kediɣzisi taa yɔ, Yehowa ɛsɩndaa lɛ akɛ ɖɛ-Ɛsɔ sɛtʋ hɔɔlʋʋ sɔsɔʋ nakʋyʋ. Ɛlɛ alɩwaatʋ ndʋ ɖɩwɛɣ ɖe-ɖeke nɛ ɖɩlakɩ adɩma yɔ, ye ɖɩkpakɩɣ alɩwaatʋ nɛ ɖiheyiɣ-i tɔm ndʋ payɩ tɩwɛ ɖa-laŋa taa yɔ, pɩkɛdɩɣnɩ-ɩ pɩdɩɩfɛyɩ!—Adu 15:8.

CƆNƖ VIDEO ADƖMA TƆM CƐYƖ MƐ-ƐSƖNDAA PƖDƖƖFƐYƖ, NƐ PƲWAYƖ LƐ ŊCOSI TƆM TƲNƐ T Ɩ-YƆƆ:

• Waɖɛ nɖɩ Koobu Johnson kaawɛna?

• Ɛzɩma Koobu Johnson tɩŋnɩ adɩma yɔɔ nɛ ɛñɔɔnɩ Yehowa?

• Lɔŋ weyi ŋkpɛlɩkɩ Koobu Johnson kɩɖaʋ taa?