Koobiya halɩñɩma ɖʋʋ nesi Kewiyaɣ tʋma pɩdɩɩfɛyɩ. (Keɣa 68:11, nwt) Pɛwɛnɩ Bibl kpɛlɩkɩyaa sakɩyɛ nɛ nʋmɔʋ lɩzɩyaa sakɩyɛ kɛ koobiya halɩñɩma. Koobiya halɩñɩma kudokiŋ sakɩyɛ kɛ Betɛɛlɩ taa tʋmlaɖaa, Ɛsɔtɔm tiyiyaa, mba paha pa-tɩ faaa nɛ paɖʋʋ nesi kpaamɩŋ maʋ tʋmɩyɛ yɔ nɛ tɔm ɖɛzɩyaa. Krɩstʋ ñɩma mba papɩ fezuu taa yɔ, pakpazɩɣ ɖoŋ pɔ-hɔŋ nɛ agbaa wena a-taa pɛwɛɛ yɔ. (Adu. 14:1) Paa koobiya halɩñɩma ɩɩkɛɣ ɛzʋtʋyaa yaa ɛgbɛyɛ taa tʋmlaɖaa yɔ, papɩzɩɣ nɛ pɛwɛɛnɩ fezuu taa kaɖʋsɩ ɛgbɛyɛ taa. Ye ŋkɛ koobu halɩñɩnʋ yɔ, ɛzɩma ŋpɩzɩɣ nɛ ŋɖɛɛnɩ ɛsɩndaa fezuu taa?

• Wɛɛnɩ fezuu taa wɛtʋ—1 Tim. 3:11; 1 Pɩy. 3:3-6

• Sɩnɩ koobiya halɩñɩma mba pɛkɛ kɩfama ɛgbɛyɛ taa yɔ.—Tiiti 2:3-5

• Suyi alɩwaatʋ ndʋ ŋlakɩnɩ tɔm susuu tʋmɩyɛ yɔ tɩ-yɔɔ nɛ ŋñaɣ pana nɛ ŋwɛɛ niye nɛ pɩkɩlɩ ɖɔɖɔ tɔm susuu tʋmɩyɛ taa

• Kpɛlɩkɩ kʋnʋŋ kɩfalʋʋ

• Wolo ɖenɖe pɩpɔzʋʋ sɩnʋʋ yɔ

• Pɔzɩ se paha-ŋ nʋmɔʋ nɛ ŋla tʋmɩyɛ Betɛɛlɩ yaa ŋɖʋ nesi nɛ pama teokrasɩ kuduyuŋ

• Pɔzɩ se paha-ŋ nʋmɔʋ nɛ ŋwolo Kewiyaɣ tɔm susuyaa sukuli

CƆNƖ VIDEO “HALAA MBA PƐWƐƐ NƐ PALAKƖ TƲMƖYƐ NƐ KPEKPEKA KƖBAƔLƲ TAA YƆ,” NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Paa koobu halɩñɩnʋ weyi lɛ, ɛyɔɔdɩ tɔm natʋyʋ. Ɛzɩma pa-taa paa weyi ɛ-tɔm kpazɩ-ŋ ɖoŋ?