18-24 novembre
KEƔSI 107-108
Hendu 7 nɛ adɩma | Kɔɔnɔɔ tɔm (C. 1)
1. «Ɩsɛɛ Yehowa se ɛlabaɣ lɛ, mbʋ pʋyɔɔ yɔ ɛwɛ ɖeu»
(C. 10)
Ɛzɩma Yehowa holi Izrayɛɛlɩ mba Babilɔɔnɩ yɔ, mbʋ ɖɔɖɔ eholi-ɖʋ Sataŋ ɛjaɖɛ taa (Ke 107:1, 2; Kol 1:13, 14)
Ɛsɩmɩyɛ nɖɩ ɖɩwɛnɩ Yehowa yɔɔ yɔ, ɖiseɣtiɣ-ɖʋ se ɖɩsamɩ-ɩ ɛgbɛyɛ taa (Ke 107:31, 32; w07 15/4 20 § 2)
Ye ɖɩkpakɩɣ alɩwaatʋ nɛ ɖɩmaɣzɩɣ mbʋ payɩ Yehowa labɩ-ɖʋ yɔ pɩ-yɔɔ camɩyɛ yɔ, piyeki nɛ ɖɩwɩlɩ-ɩ ɖɛ-ɛsɩmɩyɛ nɛ pɩkɩlɩ (Ke 107:43; w15 1/1 8 § 4)
2. Fezuu taa ñɩm
(C. 10)
-
Ke 108:9—Ɛbɛ yɔɔ pakpaɣ Mowaabʋ nɛ pamaɣzɩnɩ «ñanaɣ ŋga ka-taa [Ɛsɔ kɔʋ] lɩm yɔ»? (it-2 303 § 5)
-
Ŋkalɩ kpɩtaʋ kʋnɛ kɩ-tɛ Bibl hɔɔlʋʋ lɛ, fezuu taa ñɩm mbʋ ŋhiɣaa nɛ ŋsɔɔlɩ se ŋkɛdɩ-ɖʋ pɩ-tɔm?
3. Bibl kalʋʋ
(C. 4) Ke 107:1-28 (th tɔm kɩkpɛlɩkɩtʋ 5)
4. Ɛzɩma ɖɩpɩzɩɣ nɛ ɖɩpaɣzɩ kɛdaɣ yɔ
(C. 3) ALƖWAATƲ FANƲƲ ASEƔÐE LƖZƲƲ. (lmd tɔm kɩkpɛlɩkɩtʋ 1 hɔɔlʋʋ 4)
5. Pɩsɩ ŋna-ɩ
(C. 4) ALƖWAATƲ FANƲƲ ASEƔÐE LƖZƲƲ. Heyi ɛyʋ ɛnʋ ɖʋtʋ ndʋ ɖɩlakɩ nɛ ɖɩkpɛlɩkɩɣnɩ ɛyaa Bibl yɔ tɩ-tɔm, nɛ ŋha-ɩ Bibl kpɛlɩkʋʋ tɛ carte de visite. (lmd tɔm kɩkpɛlɩkɩtʋ 9 hɔɔlʋʋ 3)
6. Tɔm yɔɔdʋʋ
(C. 5) ijwyp 90—Tɔm ñʋʋ: Ɛzɩma manpɩzɩɣ nɛ mɔlɔ lɩmaɣza kɩdɛkɛda? (th tɔm kɩkpɛlɩkɩtʋ 14)
Hendu 46
7. Ðiteɣ hendu nɛ ɖɩsɛɣ Yehowa se ɛlabaɣ lɛ
(C. 15) Tɔm taa tazʋʋ.
Izrayɛɛlɩ ñɩma mba paawɛ sɔɔndʋ taa yɔ, Yehowa yabɩ pa-ñʋʋ Ejipiti sɔɔjanaa ɖoŋ tɩnaa nesi tɛɛ Teŋgu Kɩsɛɛmʋʋ taa nɛ pɩtɛ lɛ, petee-i hendu se pawɩlɩnɩ-ɩ pɛ-ɛsɩmɩyɛ. (Ejl 15:1-19) Abalaa kaaɖɛnɩ nɔɔ alɩwaatʋ ndʋ peteɣaɣ hendu kɩfatʋ ndʋ yɔ. (Ejl 15:21) Yesu nɛ kajalaɣ Krɩstʋ mba ɖɔɖɔ kaateɣaɣ samtʋ hendu Ɛsɔ. (Mat 26:30; Kol 3:16) Ðiwoki pɩ-yɔɔ nɛ ɖɩwɩlɩɣ ɖɛ-ɛsɩmɩyɛ Yehowa alɩwaatʋ ndʋ ɖiteɣ hendu kediɣzisi taa, egeetiye kigbeɣliŋ nɛ kigbeɣliŋ sɔsɔŋ taa yɔ. Kɩɖaʋ nakʋyʋ yɔ: Hendu «Yehowa, ŋlabaɣ lɛ» ndʋ ɖite lɛɛlɛɛyɔ yɔ, ɖɩpaɣzɩ-tʋ teu ɖe-kediɣzisi taa kpaɣnɩ pɩnaɣ 1966 taa.
Ageeta naayɛ taa, pɩtɩla fɛyɛ kpaɣ abalaa se petee hendu samaɣ taa. Pɩtɩla lalaa tɩsɔɔlɩ hendu teu mbʋ pʋyɔɔ yɔ pamaɣzɩɣ se paasɩŋ hendu teu camɩyɛ. Ɛlɛ pɩwɛɛ se ɖɩtɔzɩ se ɖe-kediɣzisi taa hendu teu kɛ ɖɛ-Ɛsɔ sɛtʋ hɔɔlʋʋ nakʋyʋ. Yehowa ɛgbɛyɛ lakɩ tʋmɩyɛ siŋŋ nɛ ɖɩñɔɔzʋʋ hendu kɩbandʋ nɛ ɖɩlɩzɩɣ ɖɔɖɔ ndʋ tɩmʋnaa se petee paa kediɣzaɣ ŋga lɛ ka-taa yɔ. Pɩpɔzʋʋ se ɖa-tɩŋa payɩ ɖɩkpɛndɩ nɔɔ nɛ ɖitee hendu nɛ ɖɩwɩlɩnɩ ɖɛ-ɛsɩmɩyɛ ɖa-Caa weyi ɛwɛ ɛsɔdaa yɔ.
Yele nɛ paɖʋ VIDEO Tɩlɩ ɖɛ-ɛgbɛyɛ yɔɔ tɔm nɛ pɩkɩlɩ—Hendu kɛ kʋjɔŋ weyi ɩmʋ ñɩm yɔ, hɔɔlʋʋ 2. Pʋwayɩ lɛ ŋpɔzɩ samaɣ tɔm tʋnɛ:
-
Ɛbɛ kaalabɩ pɩnaɣ 1944 taa?
-
Ɛzɩma ɖo-koobiya mba paawɛ Siiberii yɔ palɩzɩ pɛ-ɛsɩmɩyɛ nɛ pawɩlɩ Kewiyaɣ hendu teu ɖʋtʋ yɔɔ?
-
Ɛbɛ yɔɔ hendu teu tɔm cɛyɩ Yehowa Aseɣɖe Tɩnaa ɛsɩndaa siŋŋ mbʋ?
8. Ɛgbɛyɛ taa Bibl kpɛlɩkʋʋ
(C. 30) bt ñʋʋ 18 § 6-15
