CAƔ WEZUU ƐZƖ KRƖSTƲ TƲ YƆ
Ɛzɩma pɩwɛɛ se ɖicosi tɔm kediɣzisi taa nɛ pɩla ɖeu yɔ
Tɔm cosuu mbʋ pɩwɛ ɖeu yɔ, pɩkpazɩɣ ɛgbɛyɛ taa koobiya ɖoŋ. (Roma 14:19) Pɩwazɩɣ ɖɔɖɔ mba pocosuu tɔm yɔ. (Ad 15:23, 28) Ye mbʋ, pɩwɛɛ se ɖɩñaɣ pana nɛ pɩkɩlaa yɔ, ɖicosi tɔm tam kʋyʋmʋm paa kediɣzaɣ ŋga lɛ ka-taa. Toovenim, ye ɖɩkpazɩɣ nesi yɔ, pɩpɩzɩɣ nɛ pɩla se paayaɣ-ɖʋ kpaagbaa. Pʋyɔɔ pɩwɛɛ se ɖɩñɔɔzɩ tɔm cosuu sakɩyɛ.
Tɔm cosuu mbʋ pɩwɛ ɖeu yɔ . . .
-
pɩwɛ kɛlɛʋ, pɩtʋ kpayɩ kpayɩ nɛ pɩwɛɛ tobi. Alɩwaatʋ sakɩyɛ taa, tɔm cosuu kɩbambʋ kpakɩɣ kɛlɛmwaa 30 yaa pɩɩtakɩ mbʋ
-
pɩ-taa ŋlakɩnɩ na-maɣmaɣ ñɔ-tɔm pee tʋmɩyɛ
-
pɩtɩkɛ tɔm ndʋ lalaa tɛm cosuu yɔ
Ye paya-ŋ kajalaɣ ɖeɖe yɔ . . .
-
cosi tɔm kɛlɛʋ, cosi tɔm ndʋ pɔpɔzaa yɔ tɩ-yɔɔ kpaagbaa
Ye pɛtɛm cosuu tɔm ndʋ tɩ-yɔɔ yɔ, ŋpɩzɩɣ nɛ . . .
-
ŋwɩlɩ nɔɔ kʋyʋmaɣ ŋga kɛwɛ tɔm ndʋ nɛ tayʋʋ taa mayaɣ nakɛyɛ pɛ-hɛkʋ taa yɔ
-
ŋyɔɔdɩ ɛzɩma tɔm ndʋ tɩpɩzɩɣ nɛ tɩwazɩ-ɖʋ yɔ
-
ŋwɩlɩ ɛzɩma ɖɩpɩzɩɣ nɛ ɖɩlabɩnɩ tɔm ndʋ tʋmɩyɛ yɔ
-
ŋkɛdɩ tɔm natʋyʋ kɛlɛʋ, nɛ ŋñɩɣ niye tɔm ndʋ tɩ-yɔɔ
