Yehowa Aseɣɖe Tɩnaa wɛnɩ waɖɛ nɖɩ ɖɩwɛ ŋgee yɔ. Ðɩha ɖa-tɩ nɛ pamɩyɩsɩ-ɖʋ lɩm, pʋyɔɔ lɛ ɖɩñakɩ pana nɛ ɖɩcɛyɩsɩɣ ɖa nɛ Ɛsɔ Kɩlɩm Yehowa ɖa-taabalɩyɛ. Ɛtɩŋnɩ ɛ-Pɩyalʋ yɔɔ nɛ ɛhɔm-ɖʋ nɛ ɖɩñɔtɩnɩ-ɩ. (Yoh 6:44) Ewelisiɣ ɖa-adɩma.—Keɣa 33:16.

Ɛzɩma ɖɩpɩzɩɣ ɖɩkandɩyɩ ɖa nɛ Yehowa ɖa-taabalɩyɛ yɔɔ? Pɩpɔzʋʋ se ɖise kɩdɛkɛdɩm mbʋ Izrayɛɛlɩ piya kaalaba yɔ. Sɩ nɛ Yehowa paɖʋ ɛgbɛyɛ nɛ pɩla pazɩ lɛ, silu sika neɣye nɛ sɩpɩsɩ sɩɩnaa layaa. (Ejl 32:7, 8; 1Kɔ 10:7, 11, 14) Ðɩpɔzɩ ɖa-tɩ se: ‘Ɛzɩma malakɩ alɩwaatʋ ndʋ pɩtakɩɣ-m se mala kɩdɛkɛdɩm yɔ? Ma-lakasɩ wɩlɩɣ se ma nɛ Yehowa ɖa-taabalɩyɛ mʋ ñɩm mɛ-ɛsɩndaa?’ Ye ɖɩcɛyɩsɩɣ taabalɩyɛ nɖɩ ɖɩwɛ ɖa nɛ ɖa-Caa weyi ɛwɛ ɛsɔdaa yɔ ɖɛ-hɛkʋ taa yɔ, pɩsɩɣnɩ-ɖʋ nɛ ɖise lakasɩ nzɩ ɛpaɖɩɣ yɔ.—Keɣa 96:10.

CƆNƖ VIDEO KANDƖYƖ ÑA NƐ YEHOWA MƖ-TAABALƖYƐ YƆƆ (KOL 3:5), NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ ɛsa naɣ naɣ kɛnaa?

• Ɛbɛ yɔɔ pɩwɛɛ se ɖise ɛsa naɣ naɣ nɛ sɩɩnaa latʋ?

• Nɔɔ kʋɖʋmaɣ ŋga wɛ acɛyɛ labʋ nɛ sɩɩnaa latʋ pɛ-hɛkʋ taa?

• Ɛbɛ yɔɔ pɩcɛyaa se kɔzɩ kɔzɩ mba pɛwɛnɩ sʋʋtʋ ɛgbɛyɛ taa yɔ pɔcɔnɩ pɛ-tɛŋga kɩcɛyɩm ɖeɖe?